Lukas 18:16 - Alkitab Duri

¹⁶ Apa nasua ori Puang Isa to tau ssolanni joo pea lako kalena, anna kuanni to anak gurun-Na, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.

Lukas 18:16 Iomraidhean Croise

Matius 19:14

Apa nakuanni Puang Isa, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.”

Lukas 18:15

Den tau ratu ssolan pea sibiccuk lako Puang Isa anna kaka'i nabarakka'ii. Ia tonna kitai anak gurun-Na nakagallii tuu lako tau.

Lukas 18:17

La miingaran tee kadang-Ku' kumua, ia to tote'da nasusi to pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Jamanna Rasulu' 2:39

Jajii susi joo, sanga kamu' napatujui joo basse-Na Puang Allataala sola bati'mi sola sininna to tomambela, to napilei Puang Allataala.”

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

1 Korintus 7:14

Nasaba' ia joo muane tangmatappa' dipasusimo umma'-Na Puang Allataala sanga kamatapparanna joo bainena. Susi too ia to baine tangmatappa' dipasusimo umma'-Na Puang Allataala sanga kamatapparanna joo muanena. Ia ke te'dai nasusi joo, ia to anakkana te'da nadipasusi umma'-Na Puang Allataala, apa ia tee too dipasusimi umma'-Na.

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.