Lukas 17:6 - Alkitab Duri

⁶ Mebalimi Puang Isa nakua, “Ia ke denni kamatapparanmi moi pada bangra lise' sawi, wa'ding kamu' kumua lako tee garonto' kaju tonggo, ‘Tiangka'ko mutitanan lan tasik’, nang la naturu'i to kadammi.”

Lukas 17:6 Iomraidhean Croise

Matius 14:29

Mebalimi Puang Isa nakua, “Malemoko mai.” Iamo joo namellao Petrus jao mai lopi, nalumingka jao wai male lako Puang Isa.

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Matius 21:21

Mebalimi nakua, “La miingaran tee kadang-Ku' kumua, ia ke matappa' kamu' na te'da mibata, wa'ding kamu' mpugaukki susi tee kupugauk lako tee garonto' kaju ara! Na te'da na ia manda joo, apa wa'ding too kamu' mangkada manda lako joo buntu mikua, ‘Tiangka'ko mutibuang do' tasik.’ Nang la jajinna ia!

Markus 4:31

Ianna mangparentamo Puang Allataala susi Raja, la susii tee pangpasusian: Den sanglise' lise' sawi naala tau, natananni. Ia to lise' sawi iamo lise' biccukkuna lan lino.

Markus 9:23

Mebalimi Puang Isa nakua, “Ah, apa mukua? Ia ke kukullei? Moi apa nang la jaji, ke nakatappa'i tonganna' tau.”

Lukas 13:19

Wa'ding dipasangrapang sanglise' sawi, naala tau natananni jio bara'bahna. Ia tonna tuomo, lobohmi anna membarana', namesserang to manuk-manuk jio tangkena.”

Lukas 17:7

Nakuapa Puang Isa, “Ia ke nnampui kamu' mesa' kaunan to manengko ba'tu mangrewa, apara mikuanni ke polei mangjama? Mikuanrika, ‘Malemoko madoi' kumande!’?

Lukas 19:4

Kinjara'mi njoloi tobuda, namenteke' de' barana' la ngkitai to Puang Isa, nasaba' ntuumi jio la nanii liu lalan.

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 7:19

anna suai male ngkutanai Puang Isa kumua, “Kita'moraka Raja Mangpasalama' to kitajan, ba'tu la ntajanpakan tau laen?”

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.