Lukas 17:5 - Alkitab Duri

⁵ Nakuamo tuu lako rasulu' lako Puang Isa, “Pamawatangngi to kamatapparanki'!”

Lukas 17:5 Iomraidhean Croise

Markus 6:30

Ia tonna polemo joo rasulu', sirempunmi sola Puang Isa. Nacurita ngasanni to apa mangka napugauk sola to napangpangngajaran.

Markus 9:24

Ta'pa mebalimi joo ambe'na nakua, “Oo Puang, matappa'na'. Tatulungna' dikka', nasaba' malammai to kamatapparanku'.”

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 7:19

anna suai male ngkutanai Puang Isa kumua, “Kita'moraka Raja Mangpasalama' to kitajan, ba'tu la ntajanpakan tau laen?”

Filipi 4:13

Kukulle to sininna apa, sanga Puang Isa Almaseh mbenna' kapakullean.

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.