Lukas 17:3 - Alkitab Duri

³ Majaga kamu'! Pakainga'i to padammi tomatappa', ke mpugaukki dosa lako kalemi. Ia ke menassanni, dampanganni.

Lukas 17:3 Iomraidhean Croise

Kada Bulawan 17:10

La'bih keangga' to mesa' pangpakainga' lako tomapahang, na ia to pessaratuh perambi lako tobattuk.

Kada Bulawan 27:5

La'bih melo to matarruh mpauan salana tau, na ia to pangpakamoja' tangdipapajan.

Kada Bulawan 9:8

Podonaroko ncacca topacapa', nasaba' la nakaba'ciroko. Apa ia ke tomacca mupauan salana, la napakamoja'ko.

Matius 18:21

Malemi Petrus lako Puang Isa namekutana nakua, “Oo, Puang! Ia ke ia to padangku' rupa tau mpugauk kasalan lako aku', pempiranra la kudampangan? Pempituraka?”

Lukas 21:34

Mangkai joo too nakuamo Puang Isa, “Majaga kamu'! Danggi' nakatuoan linomi mandamo minawa-nawa, mangmaroah-roah, iarika mangngiso'-iso' samalangommi, anna te'damo misadia, ke nadete'mi to allo karatuan-Ku' to tangdikalannai,

Efesus 5:15

Iamo joo mangngingaran melo kamu', danggi' mimessipa' susi tobango', apa la messipa' susira kamu' tomasaranian.

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

Yakub 5:19

Ee, tomala'bihku'! Ingaranni tee kada kumua, ia ke den tau membalik jio mai pangngajaran-Na Puang Allataala, la mipangngingaranni namengkatoba' pole', na ia to tompangngingaranni joo tomadosa namengkatoba', iamo joo tau napusaba' nadipasalama' to sunga'na jio mai kamatean jio ahera', na didampangan, moi buda dosana. Padamo jolo' too. Sallangki' mati', Yakub.

2 Yahya 1:8

Iamo joo mijagai meloi to apa kipengkulleimo mpugaukki ammida'tan matappa' lako Puang Isa. Ia ke te'damo mimatappa', te'da milannampa' katuoan melo te'da cappa'na jio mai Puang Allataala.