Lukas 17:21 - Alkitab Duri

²¹ Na te'da too tau kumua, ‘Kitari inde'i’, ba'tu ‘Iti'i joo’, nasaba' lanri penawanta' mangparenta to Puang Allataala.”

Lukas 17:21 Iomraidhean Croise

Matius 12:28

Apa ia ke mpakena' kuasan-Na Roh Allataala nnula'i setang, battuananna kumua ratumi Puang Allataala mangparenta susi Raja lan tangnga-tangngami.”

Markus 13:21

Ia ke denni tau ngkuan kamu' joo wattu, ‘Kitari, inde'i to Raja Mangpasalama'!’ ba'tu nakua, ‘Iti'i joo!’, danggi' mikatappa'ii joo tau.

Lukas 17:23

Na ia joo wattu den tau la ngkuan kamu', ‘Kitai to Anak Mentolino, iti'i joo. Kitari, inde'i!’ Danggi' miundi lako nturu'i.

Lukas 21:8

Mebalimi Puang Isa nakua, “Majaga kamu', danggi' naden tau mpalao sala kamu'. Nasaba' buda tau la ratu mpusanga sangang-Ku', nakua, ‘Aku'mo Raja Mangpasalama'!’ na ‘Wattunnamo.’ Apa danggi' mipesa'dingngii.

Yahya 1:26

Mebalimi Nabi Yahya nakua, “Kujio'i wai to tau, apa den lan tangnga-tangngami to te'da miissenni.

Yahya 18:36

Mebalimi Puang Isa nakua, “Ia to kaparentan-Ku' te'da napole lan mai lino. Ia ke la pole lanni mai lino, nalamangngewa to taung-Ku', anna danggi' kudipangngolo lako pekaamberan to-Yahudi. Apa te'da meman napole lan mai lino to kaparentan-Ku'.”

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.