Lukas 16:9 - Alkitab Duri

⁹ Mangkadami Puang Isa nakua, “La miingaran! Pakei tee mai kasugiran lino mpupenjajii soba'mi to tau, anna tarima kamu' Puang Allataala jao bola tangmasolang, ke te'dami bua'na tee kasugiran lino lako kalemi.

Lukas 16:9 Iomraidhean Croise

Kada Bulawan 14:24

Ia to tomacca dipuji nasaba' kamaccanna, apa ia to tobattuk kaissenan nasaba' kabattukanna.

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Kada Bulawan 23:5

Nasaba' cingga'tu'ra nalanynya' to ewanan, butung to kepani' male mentia' susi langkan.

Daniel 4:27

Ie', dennaa upa' na ia tee pangpakainga'ku' tapesa'dingngi, danggi'mo tapugauk kasalan, apa mpugaukki' kameloan. Pemambelaii kaleta' jio mai dosa antakamaseii to tomaparri'. Ia ke susimiki' joo, kamasannanganta' la dipatarruh.’

Matius 19:21

Nakuamo Puang Isa, “Ia ke madoangko sukku', malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'!”

Matius 6:19

Mangngajahhimi Puang Isa nakua, “Danggi' murempunan kalemu ewanan lan lino, to wa'ding nakande ane, ta'garan, ba'tu naboko tau.

Matius 6:24

Te'da tau ngkullei mengkaunan lako dua puanggawa, sanga la nakabudai ia to mesa' na ia to laenna nakaba'ci, ba'tu la napangjaman tongan-tongan to mesa' na ia to laenna makuttui mpangjamanni. Susi too kamu', te'da mikullei nturu' pakkaeloran-Na Puang Allataala, ke kasugiran lino manda miangah.

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Lukas 16:11

Jaji, ia ke kasugiran lino nate'da mikullei dikatappa'i, inda pole' opa madoang mpabarakkanni kamu' kasugiran tongan jao suruga?

Lukas 16:13

Te'da tau ngkullei mengkaunan lako dua puanggawa, sanga la nakabudai ia to mesa' na ia to laenna la nakaba'ci, ba'tu la napangjaman tongan-tongan to mesa' na ia to laenna makuttui mpangjamanni. Susi too kamu', te'da mikullei nturu' pakkaeloran-Na Puang Allataala, ke kasugiran lino manda miangah.”

Lukas 16:4

Oo, kuissenmo apa to la kupugauk, anna den tau ntarimana' jio bolana, moi kudipasun jio mai jamanku'!’

Jamanna Rasulu' 10:31

nakua, ‘Ee Kornelius! Natarimamo Puang Allataala to passambajangmu sola kamalaboranmu.

Jamanna Rasulu' 10:4

Malanjang Kornelius tonna kitai joo malaeka' nakua, “Ie', apara kita' Puang?” Mebalii nakua, “Natarimamo Puang Allataala to passambajangmu sola kamalaboranmu.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

Yudas 1:21

La miissen kumua napakamoja' kamu' Puang Allataala. Iamo joo majaga kamu', danggi' mipatorroi joo pangpakamoja'-Na. La ntajan kamu' kamamasean to la naben kamu' Puangta' Puang Isa Almaseh. Ia to la naben kamu', iamo katuoan melo te'da cappa'na.