Lukas 16:7 - Alkitab Duri

⁷ Mangkai joo too nakuamo lako tomangpenduanna, ‘Na iko mane, pirara indanmu?’ Mebalimi joo tau nakua, ‘Sangsa'bu pikulu' gose'.’ Nakuamo lako, ‘Inde' to sura' indanmu. Uki' pole'i to laenna, muuki'i karua ratuhna pikulu'.’

Lukas 16:7 Iomraidhean Croise

Matius 18:28

Ia tonna messunmo lan mai bolana raja joo kaunan, sitammumi padanna kaunan to dipaindanni saratuhra dinar. Natoemi natekkei joo solana nakuanni, ‘Bajah ngasanni to indanmu!’

Lukas 16:6

Mebalimi joo tau nakua, ‘Tallung sa'bu litere' minynyak zaitun.’ Nakuamo lako joo tau, ‘Inde' to sura' indanmu, muta'pa nnuki'ii silalona to laenna, uki'i sangsa'bu lima ratuh.’

Lukas 16:8

Ia tonna sa'dingmi tosugih to apa napugauk joo pangjama tangmaruruh, napujii nasaba' maccai mangngakkalan. Nasaba' ia to tolino tangnturu' Puang Allataala, la'bih macca ia lako padanna rupa tau, na ia to tonturu'mo Puang Allataala.”

Lukas 2:37

namate muanena. Na ia tee wattu karuami pulona a'pa' taunna umuru'na. Te'da bang nasalai Bola Puang Allataala, massambajang na puasa ssompa tarruh Puang Allataala.

Lukas 20:12

Sitarruhna nasua pole' omi to kaunan mangpentallunna, apa nakojong-kojongngi ori, namane' mpembuanganni lako salean bara'bah.

Lukas 20:9

Mangkai joo too, mangcuritami Puang Isa lako tobuda mpake pangpasusian nakua, “Den mesa' tau ntananni anggoro' bara'bahna. Mangkai joo too napangpenduluanmi lako ba'tu pira-pira tomendulu, anna male lako tondok laen, natorro masai jio.