Lukas 16:26 - Alkitab Duri

²⁶ Te'da na ia manda joo, apa den mila' mparalla'ki'. Jaji, ia to tau ntee tangnaola male mati', na ia to tau ntuu tangnaola male mai.’

Lukas 16:26 Iomraidhean Croise

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Lukas 12:59

La miingaran! Ia ke te'dapi mibajahhi angge macerona to indanmi, te'da mikullei messun lan mai pangtarungkuan.”

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Lukas 16:27

Nakuamo joo tosugih, ‘Oo, ambe'! Ia ke susii tuu, kamaseina' dikka' tasuapi Lazarus male lako bolana ambe'ku'

Yahya 3:36

Na ia to tomatappa' lako Anak, la nnampa' katuoan melo te'da cappa'na. Apa ia to tote'da naturu'i to pakkaeloran-Na Anak, te'da nalannampa' katuoan melo, apa la nasessa tarruh Puang Allataala.

Pengkitanna Yahya 20:10

Na ia to Ballisi' mangka mpalao salai tuu lako tau, dipembuanganni tama api colo' manglanya-lanya to mangkamo dinii pembuanganni to olok-olok na nabi tangtongan. La dipa'dikki allo-bongi te'da cappa'na.

Pengkitanna Yahya 22:11

Ia to tompugauk bang kagajatan, ake' ia too napatarruh bangngi mpugauk kagajatan, ia to tocarepa, ake' too napatarruh bangngi ia ncarepai kalena, ia to tonturu' pakkaeloran-Na Puang Allataala ake' too napatarruh bangngi ia mpugaukki to pangkabudaian-Na Puang Allataala, ia to taun-Na Puang Allataala ake' too naputau tarruhhi Puang Allataala.”