Lukas 16:25 - Alkitab Duri

²⁵ Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Lukas 16:25 Iomraidhean Croise

Daniel 5:30

Bongi ia bang unamo joo nadipatei Belsyazar rajana to-Babel.

Matius 27:63

nameta'da nakua, “Tabe' kita', kiingaranpa to kadan-Na joo tomangpalao sala tonna tuopa nakua, ianna allo mangpentallunnamo, la tuo pole', ade', jio mai kamatean.

Markus 9:45

Na ia ke ajemu ntumangko mumadosa, le'toii! La'biran ke menjaji tangsukku'ko, apa tuoko sola Puang Allataala, na ia ke sukku'i to kalemu, apa dipatamako naraka. [

Lukas 16:20

Den toda tokaasi-asi disanga Lazarus mamma'-mamma' bang jio to' pelalanna joo tosugih, ponno bang kele to kalena.

Lukas 16:23

Ia tonna lanmo lino tomate, liwa' maparri'na, nakita mambelami to Nabi Ibrahim sola Lazarus jio sa'dena.

Lukas 16:26

Te'da na ia manda joo, apa den mila' mparalla'ki'. Jaji, ia to tau ntee tangnaola male mati', na ia to tau ntuu tangnaola male mai.’

Lukas 6:24

Apa macilaka kamu' to sugih, nasaba' mangkamo miampa' to kamasannangan lan kasugiranmi.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

1 Tesalonika 3:3

Susimi joo, danggi' lalo miden mpessakkanni Almaseh moiraka mimaparri'. Miissen kumua ia tee kamaparrisan akkattanamo Puang Allataala lako kalemi.

Ibrani 11:25

La'bih nakabudai maparri' sola umma'-Na Puang Allataala na ia to mperasai kamasannangan cingga'tu'ra to napaden dosa.

1 Yahya 2:15

Danggi' mipangbuda-budai to ewanan lan lino. Danggi' too mikaula'-ula' lako cara tuona to tolino to tangnturu' Puang Allataala, nasaba' ia ke susii joo, te'damo mikullei mpakamoja' Puang Allataala.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.