Lukas 15:6 - Alkitab Duri

⁶ Ia tommiratumo lako bola, mitambaimi to soba'mi na bali bolami ratu, mikuanni, ‘Male kamu' mai, tamangmaroah-roah, nasaba' kuampa'mi to bembala'ku' ta'de!’

Lukas 15:6 Iomraidhean Croise

Lukas 1:58

Ia tonna sa'ding ngasanmi bali bolana sola rapunna to kamamasean-Na Puang Allataala, mariomi sola Elisabet.

Lukas 15:10

Katappa'i kumua, susi todamira joo to malaeka'-Na Puang Allataala mario ke denni mesa' tomadosa mengkatoba'!”

Lukas 15:24

nasaba' ia tee anakkaku' samannamo to mangka mate natuo pole', mangkami ta'de nadiampa'.’ Napamulami mangmaroah-roah.

Lukas 15:5

Na ia ke miampa'mi, liwa' masannangmi ammisompoi pole.

Lukas 15:7

Katappa'i kumua, susi toomi joo den kamarioan la'bih matonggo jao suruga, ke den mesa' tomadosa mengkatoba', na ia to kamarioan nasaba' kasera pulona kasera tomelo, to te'da naparallu mengkatoba'.”

Yahya 15:14

Kusangamo kamu' soba'-Ku', ke mipugaukki to kuparentan kamu'.

Yahya 3:29

Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Jamanna Rasulu' 15:3

Nasolanni jamaa ratu lako salean kota, namane' tarruh nnola tana Fenisia sola tana Samaria to nanii ncuritai kumua denmo to bangsa tangngia to-Yahudi mengkatoba' na matappa'. Gaja napumarioi to tomatappa' jio ntuu joo.

Filipi 1:4

na masannangna' tongkupassambajangan kamu'.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

Filipi 4:1

Ee, tomala'bihku' to kupakamoja' na kukamali' too! La matappa' tongan-tongan kamu' lako Puang. Kupumasannang sola kupumala'bih kamu'!

1 Tesalonika 2:19

Madoangkan ssikitan kamu' nasaba' sitonganna kamu'ra kipuparannu sola kipumario. Ia ke ratumi Puangta' Puang Isa keanu' antamangngolo, masannangkan ngkita assele' jamanki'.

1 Petrus 2:10

Ia tonna jolona tangngiapa kamu' umma'-Na Puang Allataala, apa ia tee too menjaji umma'-Namo kamu'. Ia tonna jolona te'da miperasaii to kamamasean-Na Puang Allataala, apa miperasaimo tee too.

1 Petrus 2:25

Ia tonna jolona susi kamu' to bembala' lewa', apa ia tee too dipapolemo kamu' lako Tomangrewa to mpuinawa kamu'.