Lukas 15:22 - Alkitab Duri

²² Apa nasuai ambe'na to kaunanna nakuanni, ‘Madoi'ko, alanni to pakean kaminang maballo, mupapakeanni. Papakei tooi cincin na sapatu.

Lukas 15:22 Iomraidhean Croise

Ester 3:10

Ia tonna sa'dingngi raja joo, ta'pa nnalaii cincinna la dipake nca'i mpaassahhi joo parenta nasitujui anna benni Haman anakkana Hamedata bati'na Agag, ewa la'da'na to-Yahudi.

Ester 8:2

Napasunni raja to cincinna to mangka naala pole' jio mai Haman, napangbenganni lako Mordekhai. Naangka'i Ester to Mordekhai menjaji to ngkuasai ewananna Haman.

Lukas 15:21

Nakuamo joo anakkana, ‘Oo Ambe', madosamo' lako Puang Allataala na lako ambe'. Tangsipato'mo' disanga anakkana ambe'.’

Lukas 15:23

Mangkai joo too alai to anak sapin malompona migere'i. La kumandeki' mangmaroah-roah,

Roma 13:14

Ake'mo na Puang Isa Almaseh mpatuju kamu' to sipato'na mipugauk. Danggi' mituru'i bang kamadoangan gaja'mi.

Roma 3:22

Napupenjaji tomelo Puang Allataala to tau, nasaba' matappa'i lako Puang Isa Almaseh. Na ia tee napatujui Puang Allataala lako sininna tolino, te'da tau dipasilaenan,

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

Galatia 3:27

Mangkamo kamu' dijio' mpau sangan-Na Almaseh, jaji mitarimamo to sipa'-Na Almaseh.

Efesus 6:15

Canning atimmi mpangpeissenan Kareba Kasalamatan, umbo nakua Puang Allataala sikalino pole' tolino, susi sapatu mipake.

Pengkitanna Yahya 19:8

Ia to pakean kaen lenan cundallak dibenni la napake.” (Ia joo pakean kaen lenan iamo to panggaukan melo to napugauk umma'-Na Puang Allataala).

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”

Pengkitanna Yahya 3:18

Jaji kupakainga' kamu' kumua allii to bulawan matasak lako Aku' misugih. Allii to pakean mabusa mipakei, danggi' mimangkale-kale mesirisan nakita tau. Mialli tooi to pejampi misapuanni matammi, nawa'ding pakita.

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.