Lukas 14:3 - Alkitab Duri

³ Nakutanaimi Puang Isa tuu lako guru agama sola to-Farisi nakua, “Wa'dingriki'ka mpamalagah tomasaki ke Allo Katorroan ba'tu te'daraka, situru' atoran agamanta'?”

Lukas 14:3 Iomraidhean Croise

Matius 12:10

Den mesa' tau to mate sangbali limanna ntuu jio. Ba'tu pira-pira tau, to la nnangah bang kasalanna Puang Isa anna wa'ding mparapa'i, mekutana lako Puang Isa nakua, “Ianna situru' atoran agamanta', wa'dingraka mpamalagah tomasaki ke Allo Katorroan?”

Matius 12:2

Nakitami to-Farisi napasalai to Puang Isa nakuanni, “Kitari to anak gurun-Ta'! Ciapari na te'da naturu'i to atoran agamanta', anna pugaukki to dipemalian dipugauk ke Allo Katorroan?”

Matius 22:35

Denmi sala mesa'na, male lako Puang Isa la nnakkalannii, naden lalan nanii mpasalai. Ia joo tau guru agama.

Markus 3:4

Mekutanami lako joo tompesa'i nakua, “Ianna situru' atoran agama, apara to wa'ding tapugauk ke Allo Katorroan? Manggauk meloraka, ba'tu manggauk gaja'raka? Mpasalama'riki'ka padanta' rupa tau, ba'tu mbunoriki'ka padanta' rupa tau?” Apa pada kamma' bangngi.

Lukas 14:2

Ratumi lako Puang Isa to tomasaki, kambang ajena sola limanna.

Lukas 14:4

Apa kamma' bangngi sola ngasan. Natoemi Puang Isa joo tau, napamalagahhi, nasuai pole.

Lukas 6:9

Mekutanami Puang Isa lako joo tompesa'i nakua, “Ianna situru' atoran agama, apara to wa'ding tapugauk ke Allo Katorroan? Manggauk meloraka, ba'tu manggauk gaja'raka? Mpasalama'riki'ka padanta' rupa tau, ba'tu mbunoriki'ka padanta' rupa tau?”

Yahya 7:23

ammikua danggi' mitengkai atoranna Nabi Musa. Ia ke susii joo ciapari mikagallina', ke mpamalagahna' mesa' tau ke Allo Katorroan?