Lukas 14:21 - Alkitab Duri

²¹ Polemi joo kaunan, napauanni puangna. Gaja gallii joo puangna, nakua lako kaunanna, ‘Maleko madoi' llingkai lalan sola sepe'-sepe' lan kota. Solanni jio mai to tokaasi-asi, tosopok, susinna tobuta na tokupi'.’

Lukas 14:21 Iomraidhean Croise

Matius 11:28

Ee kamu', tomasussa penawa sola totangmasannang, nasaba' atoran masussa to nakabua' guru agama. Malemo kamu' mai, angkupemasannangngi kamu'.

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 15:12

Ratumi to anak gurun-Na Puang Isa ngkutanaii nakua, “Taissenraka kumua ia to kadan-Ta' napugalli to-Farisi?”

Matius 18:31

Ia tonna kitai kaunan laen, massemi penawanna naparapa'i lako raja joo kaunan mangka dihalallasan indanna.

Matius 20:7

Mebalimi tuu lako tau nakua, ‘Te'da jaman kiampa'.’ Nakuamo, ‘Ia ke susii tuu, male lako kamu' bara'bah anggoro'ku' mangjama.’

Lukas 14:13

Jaji, ia ke mangmaroah-roah kamu', ntambai naratu to tokaasi-asi, tosopok, susinna tokupi' sola tobuta.

Lukas 14:20

Ia to laenna pole' nakua, ‘Mane' mangkana' botting, iamo joo na te'da kularatu.’

Lukas 14:22

Mangkai joo too nakuamo joo kaunan, ‘Oo puang, kipugauk ngasanmo to tasuankan, apa budapa ngenan lo'bang.’

Lukas 14:24

La miingaran! Moi mesa' te'da to ditambai jolomo, la kumande lan pangmaroasanku'!’ ”

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Lukas 9:10

Ia tonna polemo joo rasulu' jio mai kalingkanna, pada nacuritami lako Puang Isa to apa napugauk. Mangkai joo too, napessalaii Puang Isa to tobuda, namale mesa sola to rasulu' lako kota Betsaida.

Yahya 9:39

Nakua Puang Isa, “Ratuna' tama lino la rra'tah kara-karana tolino, anna ia to tobuta la pakitai, na ia to topakita, la membutai.”

Ibrani 13:17

Mengkaturu' kamu' lako pekaamberan jamaami, ammituru'i to parentana. Tuli napuinawa kamu', sanga la napebalian lako Puang Allataala to apa mangka napugauk lako kamu'. Ia ammimengkaturu' lako, masannangngi mangjama, ianna te'da, masussai mangjama, na te'da bua'na lako kamu'.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Pengkitanna Yahya 19:15

Den pa'dang liwa' taran messun lan mai anga'na, na iamo napake la ntaloi sininna bangsa. Naparentai mpake tekken bassi, nalese tooi to anggoro' lan panglulluran anggoro' kamabirisan-Na Puang Allataala, battuananna mpangpekitanni kamabirisan-Na.

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.