Lukas 14:15 - Alkitab Duri

¹⁵ Ia tonna sa'dingmi joo kadan-Na Puang Isa nakuamo sala mesa'na to tonasolan kumande jio kumua, “Masannang to tomangmaroah-roah lan Lino Barun-Na Puang Allataala.”

Lukas 14:15 Iomraidhean Croise

Matius 25:10

Malemi joo lima ana'dara bango' nnalli minynyak. Ia tonna malemo, ratumi to tobotting muane. Ia joo lima ana'dara macca mentamami pangmaroasan sola tobotting muane, nadisalli' to bola.

Matius 8:11

La miingaran! Buda tau tangngia to-Yahudi la ratu jio mai kadellekan sola jio mai kalambunan, na la mangmaroah-roah sola Nabi Ibrahim, Ishak, na Yakub lan Lino Barun-Na Puang Allataala.

Lukas 12:37

Liwa' masannangna tuu lako kaunan ke naampa'i puangna ntajanni. La mikatappa'i kumua, ia to puangna la massa'wak rampa' todai nasuai joo kaunanna cumadokko naparakaii.

Lukas 13:29

Buda tau tangngia to-Yahudi la ratu jio mai kadellekan sola jio mai kalambunan, jajanna mai na lo'na mai, na la mangmaroah-roah lan Lino Barun-Na Puang Allataala.

Lukas 22:16

La miingaran! Te'damo kulandadu' pole'pi mang-Paskah ke te'dapi naratu Puang Allataala mangparenta susi Raja, wattunna dinii mpahangngi to battuananna mang-Paskah.”

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Pengkitanna Yahya 19:9

Nakua joo malaeka' lako aku', “Uki'i tee: Masannang to toditambai lako joo pangmaroasan tobotting.” Namane' mangkada pole' nakua, “Ia tee kareba tongan pole jio mai Puang Allataala.”