Lukas 14:13 - Alkitab Duri

¹³ Jaji, ia ke mangmaroah-roah kamu', ntambai naratu to tokaasi-asi, tosopok, susinna tokupi' sola tobuta.

Lukas 14:13 Iomraidhean Croise

Kada Bulawan 14:31

Ia to tongkamasei tokaasi-asi, mpakala'bih Puang Allataala, apa ia to tompa'dikki tomakario-rio, te'da naangga' Puang Allataala to mpaden tolino.

Kada Bulawan 22:9

Nabarakka'i Puang Allataala to tomalaboh, sanga mbenni kande tokaasi-asi.

Matius 15:30

budami tau ratu mbawa tokupi', tokeppang, tobuta, tomamang na budapa tomasaki laenna napajioi olo-Na Puang Isa. Napamalagahhi.

Matius 22:10

Malemi tuu lako kaunan. Narempun ngasanni to tau nasitammuan lako lalan, nasolanni lako joo tomangpabotting, la tomelo, la togaja'. Ponnomi bola to toratu mangpabotting.

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Lukas 14:12

Nakua toopa Puang Isa lako joo tontambai ratu lako bolana kumua, “Ia ke mangmaroah-roah kamu' kumande allo ba'tu kumande bongi, danggi' omo mitambai to soba'mi ba'tu sile'tomi, rapummi ba'tu bali bolami tosugih, nasaba' la natambai toda kamu' dau. Ianna susi joo mitarimami to poleanna.

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Lukas 14:21

Polemi joo kaunan, napauanni puangna. Gaja gallii joo puangna, nakua lako kaunanna, ‘Maleko madoi' llingkai lalan sola sepe'-sepe' lan kota. Solanni jio mai to tokaasi-asi, tosopok, susinna tobuta na tokupi'.’

Jamanna Rasulu' 9:39

Ta'pa malemi Petrus sola. Ratunna lako, disolanni de' loteng. Ia to baine jio, to te'damo muanena, kumarrak ngasan, na ntalimbung Petrus napakitanni to baju pura najaisanni Tabita tonna tuopa.

1 Timotius 3:2

Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

Titus 1:8

Parallu mario ke denni tau lleppangngii, nakabudai mpugauk kameloan, tomandalan tangngah, tomangkada tongan, tonturu' pakkaeloran-Na Puang Allataala na tonta'tan kalena.

Filemon 1:7

Ee, sile'toku'! Ia tongkusa'dingngi kumua mupakamoja'i to sininna umma'-Na Puang Allataala, masannangna' na masumanga' toona', nasaba' mupaendek sumanga'na umma'-Na Puang Allataala.

Ibrani 13:2

Mabassa kamu' mpaleppangngi lan bolami to tote'dapa miissenni, sanga te'da miissenni tauraka ba'tu malaeka'raka joo tau. Denmo tau ntoratu malaeka', to nasangari tau biasa bang, apa malaeka' ia.