Lukas 13:34 - Alkitab Duri

³⁴ Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate! Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 13:34 Iomraidhean Croise

Matius 22:3

Ia tonna la mangpabottingmo, nasuami to kaunanna male ntambaii to tomangka dipauan la ratu lako joo pangmaroasan. Apa ia joo todipauan te'da bangngi madoang ratu.

Matius 22:6

Na den too to kannori njokkoi joo kaunan, napa'dikki, namane' mbunoi.

Lukas 15:28

Gaja birihhi joo anak pamungah, nacia' mentama bola, anna messun to ambe'na ssedei namentama bola.

Lukas 19:44

Na la nasabu'i kotamu sola issinna sanggenna te'damo batu sitodo', nasaba' te'da mupahangngi wattunnami ratu Puang Allataala mpasalama'ko.”

Lukas 23:28

Apa nasailei Puang Isa nakuanni, “Ee, kamu', baine to-Yerusalem! Danggi' mikillakkina'. Kalemimo mikillakki sola anakkami.

Jamanna Rasulu' 7:52

Denraka to nabi tangnasessa? Buda nabi nasua Puang Allataala tonna anu' mpaui to karatuanna Tomalampu'-Na apa nabunoi tojolomi. Na mangten tooki' too allo tapangpejokkoanni antapangpebunoanni.

Jamanna Rasulu' 7:59

Da'tan bang unapi dirura batu to Stefanus, namassambajang nakua, “Oo Puang Isa, tarimai to sunga'ku'!”

Jamanna Rasulu' 8:1

Napusannang Saulus joo kadibunoanna Stefanus. Ia bang unamo joo allo namangpamula dipakario-rio to jamaa jio kota Yerusalem, anna sininna tomatappa' saleananna rasulu' sisarak-sarak male lako lili'na tana Yudea na tana Samaria.

Pengkitanna Yahya 11:8

Na ia to batang rabukkuna situlambenan jio lalan tonggona kota to dinii mpampang Puangna. Ia joo kota situru' pahang agama disanga too Sodom ba'tu Mesir.

Rut 2:12

Dennaa upa' Nabalahhi PUANG Allataala to kameloanmu, Nabarakka'iko to sipato' mutarima jio mai PUANG Allataala to kisompa kami' to-Israel, na Ia toomo munii mentilendung.”