Lukas 13:19 - Alkitab Duri

¹⁹ Wa'ding dipasangrapang sanglise' sawi, naala tau natananni jio bara'bahna. Ia tonna tuomo, lobohmi anna membarana', namesserang to manuk-manuk jio tangkena.”

Lukas 13:19 Iomraidhean Croise

Daniel 4:12

Gaja ballo to daunna, naliwa' buda buanna. Nawa'ding nakande sininna tau sola olok-olok to buanna joo barana'. Nanii too mentiongan olok-olok masia' na ia to tangkena nanii membuja manuk-manuk.

Daniel 4:21

to gaja ballo daunna, naliwa' buda buanna, nakande sininna tau sola olok-olok to buanna joo barana', nakenden to olok-olok masia' jiong garonto'na sola messerang to manuk-manuk jao tangkena.

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Markus 4:30

Mekutanai Puang Isa nakua, “Ianna mangparentamo Puang Allataala susi Raja, apara to la dipasirapanganni? Pangpasusian apara to la dipamanassanni?

Lukas 17:6

Mebalimi Puang Isa nakua, “Ia ke denni kamatapparanmi moi pada bangra lise' sawi, wa'ding kamu' kumua lako tee garonto' kaju tonggo, ‘Tiangka'ko mutitanan lan tasik’, nang la naturu'i to kadammi.”

Jamanna Rasulu' 2:41

Buda tau ngkatappa'ii to pangngajahna Petrus anna dijio'. Kerangngan omi budanna to tomatappa' joo allo agi-agi tallung sa'bu.

Jamanna Rasulu' 21:20

Mpakala'bihhi Puang Allataala sola ngasan tonna mangka ssa'dingngi joo. Namane' ngkuanni to Paulus, “Ee, todipusile'to! La muissen kumua massa'bu-sa'bumo to-Yahudi memmatappa' lako Puang Isa, nallundukki atoranna Nabi Musa.

Jamanna Rasulu' 4:4

Apa ia to mangka mpesa'dingngi pangngajahna rasulu', budai to matappa'. Kerangngan pole'mi to tomatappa' namenjaji agi-agi limang sa'bu muane.

Roma 15:19

Nabenna' Almaseh kuasan-Na Roh Allataala mpugauk panggaukan mejangngaran to tangnadete' akkalan. Susimi joo kupangpeissenanmi to Kareba Kasalamatan, karebanna Almaseh, lako sininna tau, mammula jio mai kota Yerusalem ratu lako tana Ilirikum.

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”