Lukas 13:16 - Alkitab Duri

¹⁶ Ia tee baine bati'na Nabi Ibrahim nakuasai Ballisi' sangpulo karuamo taunna. Iamo joo nasipato' dila'paran jio mai kuasanna Ballisi' ke Allo Katorroanni.”

Lukas 13:16 Iomraidhean Croise

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Markus 2:27

Mangkada omi nakua, “Ia to Allo Katorroan dipaden dikua napumeloi tau. Tangngiara tau dipaden, dikua napumeloi Allo Katorroan.

Lukas 16:24

Metambami nakua, ‘Oo ambe', Nabi Ibrahim, kamaseina'! Tasuapi dikka' tuu Lazarus nao'tonni to jarinna do' wai, nacakka'ii to lilaku', nasaba' tangkusaramo to lussunna tee api.’

Lukas 19:9

Nakuamo Puang Isa lako Zakheus, “Ia bang unamo tee allo napasalama'ko Puang Allataala sola rapummu, nasaba' moi iko bati'na todako Nabi Ibrahim.

Lukas 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami! Danggi' misangai, kumua te'damo miladicalla nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Jamanna Rasulu' 13:26

Ee todipusile'to, la kamu' to bati'na Nabi Ibrahim, la kamu' to ssompa todamo Puang Allataala! Mangkamo kamu' naparatuan Puang Allataala to Kareba Kasalamatan.

2 Timotius 2:26

Ia ke susimi joo, la menassan joo tau anna te'damo nakuasaii Ballisi' to ntarungkui sola mparuku tooi mpugaukki to pakkaeloranna.