Lukas 13:13 - Alkitab Duri

¹³ Nakaka'i Puang Isa joo baine bukku', nata'pa maruruh jenjen nampakala'bih Puang Allataala.

Lukas 13:13 Iomraidhean Croise

Matius 9:8

Ia tonna kitami tobuda joo apa jaji, silajatan ngasanni, anna mpakala'bih Puang Allataala to mpangben kuasa liwa' tonggo lako tolino.

Markus 16:18

Ianna ntoe ulah bolong, ba'tu nniso' racun, te'da namatumba. Ianna kaka'i tuu lako tomasaki, la malagah.”

Markus 5:23

namengkamalah-malah tongan lako nakua, “Oo Puang, ia to becce'ku' nnadangmi. Ia ke wa'dingngi, antamalepa ngkaka'i, namalagah, anna danggi' namate!”

Markus 6:5

Jangngahhi Puang Isa, nasaba' te'da nakatappa'ii tau. Iamo joo na te'da nampugauk tanda mejangngaran jio kampong-Na, saliwanna ba'tu pira-pira tomasaki nakaka' mandai namalagah. Mangkai joo too, malemi Puang Isa lako ba'tu pira-pira kampong mangngajahhi.

Markus 8:25

Nasapu pole' omi to matanna, na la'bih manyarrahmo to pengkitanna, sanga malagahmi.

Lukas 13:12

Ia tonna kitami Puang Isa joo baine, natambaimi nakua, “Ee indo', la'pahmoko jio mai sopokkomu!”

Lukas 18:43

Ta'pa pakitami, naundi nturu' Puang Isa, na mpakala'bih Puang Allataala. Sininna to tau ngkitai joo mpakala'bih toda Puang Allataala.

Lukas 4:40

Ia tonna la kabuhmo allo, budami tau ratu mbawa sininna repokkona to mangrupa-rupa sakinna lako Puang Isa. Pada nakaka'i tuu lako tomasaki namalagah ngasan.

Jamanna Rasulu' 9:17

Malemi Ananias lako ntuu joo bola, napalullungngi pala'na to Saulus, nakua, “Ee, tokupusile'to Saulus! Ia to Puang Isa, mukita jio tangnga lalan tommumangnguju jio mai, ssuana' ratu, dikua ammuwa'ding pakita pole', nakuasai tooko Roh Allataala.”