Lukas 12:8 - Alkitab Duri

⁸ Mangkada unapa Puang Isa nakua, “La miingaran kumua, ia to tonnakuina' jio olona tobuda kumua tomenturu'i lako kale-Ku', la kuakui todai to Aku', Anak Mentolino, jio olona malaeka'-Na Puang Allataala.

Lukas 12:8 Iomraidhean Croise

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Lukas 15:10

Katappa'i kumua, susi todamira joo to malaeka'-Na Puang Allataala mario ke denni mesa' tomadosa mengkatoba'!”

2 Timotius 2:12

Ia ke tatta'ki' sabbara', la mangparentaki' sola Almaseh. Ia ke tapessakkannii, la napessakkanni todaki'.

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.