Lukas 12:42 - Alkitab Duri

⁴² Mebalimi Puang Isa nakua, “Iamo kupapatui to kaunan melo to wa'ding dikatappa'i. Iamo la naben kuasa puangna ngkapalai kaunan laenna, napakandei ke wattunnami kakumandean.

Lukas 12:42 Iomraidhean Croise

Kada Bulawan 12:8

Samelo-melona pangpikkirisanna to tau, sadipuji-pujinna, apa tangdiangga' to tau ke majekkongngi.

Kada Bulawan 15:23

Pebali melona mpamario mesa' tau, na la'bih keangga' to kada ke wattunnapi na dipau.

Kada Bulawan 27:18

Inda-inda mparakai tanananna, la napebuai to assele'na, susi toomi inda-inda njampang melo puangna la diangga'.

Kada Bulawan 31:15

Malillin unapa nami'cokmo mpasadian kande tau llan bolana, napada mpabarakkannii jaman pangjamana baine.

Matius 13:52

Nakuamo Puang Isa, “Iamo joo la mipahang kumua ia to guru agama to-Yahudi to menjaji umma'-Namo Puang Allataala na ntarimamo pangngajaran-Na, susimo to ampu bola mpasun ngasan ewananna la jolona la barunna lan mai ngenanna, napangpekitanni.”

Matius 20:8

Ia tonna kabuhmo allo, nakuanmi ampu bara'bah to bandoro'na, ‘Tambaimi tuu lako tokumande gaji, nadipagaji. Bajahhi jolo' to undinna mentama, namane' ia to jolona nasitarruhna.’

Lukas 12:43

Liwa' ia masannangna joo kaunan ke polemi to puangna, naampa'i puangna mpugaukki to jamanna.

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 7:19

anna suai male ngkutanai Puang Isa kumua, “Kita'moraka Raja Mangpasalama' to kitajan, ba'tu la ntajanpakan tau laen?”

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

1 Timotius 3:15

nasaba' ia angkumela' ratu, muissenmo to sipa' sipato'na lako tonapuanak Puang Allataala to tuo tarruh. Kita' sola ngasan to matappa' lako Puang Allataala mpangngewai pangngajaran tongan, susi pangrante iarika batu ariri mpemawatangngi bola.

1 Timotius 5:17

Ia to pekaamberan jamaa to mangjama tongan, la ditaratte' naditulung, la'bih-la'bih to mangngajahhi kadan-Na Puang Allataala.

2 Timotius 4:2

ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

Ibrani 13:17

Mengkaturu' kamu' lako pekaamberan jamaami, ammituru'i to parentana. Tuli napuinawa kamu', sanga la napebalian lako Puang Allataala to apa mangka napugauk lako kamu'. Ia ammimengkaturu' lako, masannangngi mangjama, ianna te'da, masussai mangjama, na te'da bua'na lako kamu'.

Ibrani 13:7

Ingaranni to pekaamberan jamaa to mangkamo mpangpeissenan kadan-Na Puang Allataala lako kamu'. Ingaran tooi matumba to sipa'na ratu lako matena, ammialai palelean mata to kamatapparanna.

Ibrani 3:5

Najama tarruhhi Nabi Musa to jamanna ntulung sininna taun-Na Puang Allataala susi mesa' todisua. Ia to panggaukanna Nabi Musa iamo bajo-bajona apa to undinna la napangpeissenan Puang Allataala.

1 Petrus 4:10

Pada nabenmo kamu' Puang Allataala to mangrupa-rupa barakka'. Iamo joo pada la mipake meloi joo barakka' situlung.