Lukas 12:4 - Alkitab Duri

⁴ Mpatarruhpa kadan-Na Puang Isa nakua, “Ee kamu', to kusanga soba'-Ku'. Ingaranni! Danggi' mimalaja' lako tolino to batang kale manda nakulle nabuno, apa te'da nakullei mbuno penawammi.

Lukas 12:4 Iomraidhean Croise

Kada Bulawan 29:25

Ia ke tolinora dikalaja', butung naalaki' poja na te'da dikulle la'pah, apa ia to tomatappa' lako Puang Allataala, la manyaman.

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Yahya 15:13

Nate'damo ia pangpakamoja' la'bih matonggo, na ia to pangpakamoja'na mesa' tau tompangben sunga'na naputuoi soba'na.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Jamanna Rasulu' 4:13

Jangngah tomparessa Rasulu' Petrus sola Yahya, sanga naissen kumua tobiasa bangri na te'da too sikolana, apa matumbai nabarani mebali susi joo. Naissen kumua tonturu' Puang Isa.

Filipi 1:28

na moi mesa' to tonnewa kamu' te'da la mikalaja'. Ia joo mpamanassai lako tonnewa kamu' kumua la nasessai Puang Allataala, apa la dipasalama' kamu'.

Yakub 2:23

Susimi joo najaji to aya' diuki' lan Sura' Allataala kumua, “Ia to Nabi Ibrahim dipupenjaji tomeloi, sanga matappa'i lako Puang Allataala.” Iamo joo nadisanga, “Soba'na Puang Allataala.”

1 Petrus 3:14

Moi ammiperasai kamaparrisan sanga nturu' kamu' pakkaeloran-Na Puang Allataala, apa sitonganna masannang kamu'! Danggi' mikalaja'i to tompakario-rio kamu', danggi' too mipuselangngi.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.