Lukas 12:33 - Alkitab Duri

³³ Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 12:33 Iomraidhean Croise

Kada Bulawan 13:7

Den tau ssanga kalena sugih, apa te'da apa naampui, den too to ssanga kalena kaasi-asi, apa gaja sugih.

Matius 19:21

Nakuamo Puang Isa, “Ia ke madoangko sukku', malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'!”

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Lukas 12:21

Susimi joo katuoanna to tau nnangaran kasugiran kalena lan lino, apa situru' Puang Allataala tangngia kasugiran tongan joo.”

Lukas 16:9

Mangkadami Puang Isa nakua, “La miingaran! Pakei tee mai kasugiran lino mpupenjajii soba'mi to tau, anna tarima kamu' Puang Allataala jao bola tangmasolang, ke te'dami bua'na tee kasugiran lino lako kalemi.

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Yahya 12:6

Tangngia tokaasi-asi natangngaran Yudas namangkada susi joo, apa madoangri mbokoi. Biasamo mboko doi' kasirempunan dianna lan sepu', sanga ia nnannai.

Jamanna Rasulu' 2:45

Ianna den mbaluk apanna ba'tu ewananna, natawa-tawanni solana to allinna situru' kaparalluanna simesa'-mesa' tau.

2 Korintus 8:2

Da'tanni mario, moi namangkamo mperasai kamasussan la'da'. Malaboh mangpangben ntulung tolaen, moi naliwa' kaasi-asi.