Lukas 12:19 - Alkitab Duri

¹⁹ Angkumangkada lako kaleku' kumua: Masannangmoko! Tanglapura to sininna ewanan muampui, moi mangpulo-pulo taunna. Mpessaumoko bo'jo'mu! La mupemasannangngimi to katuoanmu, kumande mandamoko sola mangngiso'.’

Lukas 12:19 Iomraidhean Croise

Kada Bulawan 10:2

Ia to kasugiran diala majekkong te'da bua'na, apa ia to tomaruruh penawa dipasalama' jio mai kamatean.

Kada Bulawan 14:24

Ia to tomacca dipuji nasaba' kamaccanna, apa ia to tobattuk kaissenan nasaba' kabattukanna.

Kada Bulawan 18:11

Apa ia to tosugih nasanga ewananna llendungngi, susi tembo' matande mawatang llendungngi kota.

Kada Bulawan 23:5

Nasaba' cingga'tu'ra nalanynya' to ewanan, butung to kepani' male mentia' susi langkan.

Kada Bulawan 27:1

Danggi' muborro ncurita joloi apa to la jaji masawa, nasaba' te'da muissenni apara la jaji to allo dioloi lako.

Amos 6:13

Ee kamu' to gaja matampo mangkada, nasaba' mangkamo kamu' ntalo kota Lodebar. Mikua toopa kumua, kamawatanganmi miwa'ding ntaloi to kota Karnaim.

Lukas 12:18

Mangpikkiri' omi namangkada lan penawanna nakua, ‘Denmi pale' akkalanku', la kupematonggoi to ngenan assele' bara'bahku', na ia kunii nnannai to assele' bara'bahku' sola ewanan laenku'.

Lukas 16:19

Mangngajahhimi Puang Isa nakua, “Den tosugih mangpakean maballo namasuli' allinna. Mangmasannang-sannang bangngi keallo-keallo, sanga sadia ngasan to apa naparallui.

Lukas 21:34

Mangkai joo too nakuamo Puang Isa, “Majaga kamu'! Danggi' nakatuoan linomi mandamo minawa-nawa, mangmaroah-roah, iarika mangngiso'-iso' samalangommi, anna te'damo misadia, ke nadete'mi to allo karatuan-Ku' to tangdikalannai,

1 Korintus 15:32

Denmo kunnewa tau susi olok-olok masia' inde' kota Efesus. Te'da saroku', ke la te'dami nadipatuo pole' to tomate. La'biran tapugauk bangmi susi to nakua tau, “Takumande sola tamangngiso', tamangmasannang-sannang, sanga la matemiki' masawa.”

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

1 Timotius 5:6

Apa ia to baine te'damo muanena na nturu'i bang pakkaeloran penawanna, sitonganna tomatemo ia, moi natuo unapa.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

2 Timotius 3:4

Nakabudai mpangpejokkoan solana, samangpugaukna bang sola tossanga bang kalena. Nakabudai to mangmasannang-sannang na ia to menturu' lako Puang Allataala.

Yakub 5:5

Mangkamo kamu' nnolai to disanga kala'bian sola mperasai kamasannangan lan tee lino. Susi kamu' patuoan dipelompoi la digere'.

1 Petrus 4:3

Gaja sainmo kamu' mpugaukki to panggaukanna totangnturu' Puang. Susinna manggauk sala, nturu' kamadoangan gaja', pangmalangoan, kumande-mande, mangngiso'-iso', na passompan mesirisan lako dewata.

Pengkitanna Yahya 18:7

Ia to to-Babel mpakala'bih kalena na rrempun bang kasugiran. Benni kamaparrisan sola kamasussan siangga' kedona, sanga mangkadai lan penawanna nakua, ‘Aku' tee raja baine mangparenta. Tangngiana' tobalu. Sikita randan langi'na' kamasussan.’