Lukas 11:4 - Alkitab Duri

⁴ Dampangankan, nasaba' kidampangan tooi to tokasalan lako kaleki'. Danggi' taelorankan ta'de kamatapparanki' ke disedekan mpugauk kasalan.’ ”

Lukas 11:4 Iomraidhean Croise

Daniel 9:19

Oo Puang Allataala to kusompa, pesa'dingngii tee peta'danku', parinawamokan, Taaddampangankan. Ia ke wa'dingngi Tapupenjajimi silalona to peta'danku', dikua na Kita' to dipakala'bih, sanga ia to kota Yerusalem kota-Ta', na ia to kami' umma'-Ta' to Tapileimo.”

Matius 18:35

Natampakkimi Puang Isa joo curitan-Na nakua, “Susi toomi Ambe'-Ku' jao suruga, la napasusi too kamu', ke te'da midampangan tongan padammi rupa tau.”

Matius 26:41

Majaga kamu', mimassambajang too, danggi' mimadosa ke disede kamu' mpugauk dosa. Sitonganna madoang to penawammi mpugauk katonganan, apa te'da mikullei, sanga malamma to sipa' tolino.”

Lukas 11:5

Nakuapa Puang Isa lako anak gurun-Na, “Ia ke denko male tangnga bongi lako bolana solamu mukua, ‘Ee, mane, paindannipa' rotimmu tallu,

Lukas 13:4

Na umbo toda ia nakua to sangpulo karua tau to mate jio Siloam tonna songkaii bola batu matande? Misangaraka kumua iamo joo mpattantui kumua la'bih buda dosana na ia to tau leko' to torro jao kota Yerusalem?

Lukas 22:46

Nakuanmi, “Oo, ammimamma' bangra? Mi'cokmo kamu' mimassambajang, danggi' mituru'i ke disede kamu' mpugauk dosa.”

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Yahya 17:15

Te'da kumeta'da kumua antaalaimi lan mai lino tuu lako taun-Ta', apa meta'dara' lako kale-Ta' antaampaii jio mai kuasanna togaja'.

1 Korintus 10:13

Ia to apa ssede kamu' mpugauk dosa, passede biasa bang ia lako tolino. Apa naingaranni Puang Allataala to basse-Na, na te'da naeloran kamu' disede la'bih na ia to mikulle nnewai. Na ia ke disede kamu' mpugauk dosa, napamawatang kamu' ammikullei nnewai.

Kolose 3:13

Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.

2 Tesalonika 3:3

Da'tan kamu' naampai Puang Allataala. La napamawatang to penawammi naampai kamu' jio mai Togaja'.

2 Timotius 4:18

La nala'paranna' Puang jio mai sininna kagajatan to mpatuna' anna ssolanna' tama suruga to nanii mangparenta. Iami joo, la dipakala'bih tarruhhi te'da cappa'na. Amin.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.