Lukas 11:36 - Alkitab Duri

³⁶ Ia ke naarrangngi Puang Allataala to mata penawammi sanggenna te'da pangngajaran tongan jio mai Puang Allataala to te'da miissenni, melo ngasan to katuoanmi, susi bola ke naarrangngi lampu.”

Lukas 11:36 Iomraidhean Croise

Kada Bulawan 1:5

Melo ke ia to tomacca mangpesa'ding, na sakerangngan-rangnganna to kapaissenanna, na ia to tomapahang nnampa' pangpatuju

Kada Bulawan 20:27

Arrang jio mai Puang Allataala nnarrangngi penawanna tolino, to mparessa issi penawa.

Kada Bulawan 6:23

Ia joo sininna nasuanko tomatuammu mpugaukki butung palita ssuloiko na susi arrang nnarrangngiko, na ia to pangpakainga'na mpatujuko lako lalan katuoan melo.

Matius 13:52

Nakuamo Puang Isa, “Iamo joo la mipahang kumua ia to guru agama to-Yahudi to menjaji umma'-Namo Puang Allataala na ntarimamo pangngajaran-Na, susimo to ampu bola mpasun ngasan ewananna la jolona la barunna lan mai ngenanna, napangpekitanni.”

Matius 5:15

Te'da tau mpadukku palita nasamboii busu, apa napajaori ngenan palita, dikua naarrangngi ngasanni to tau lan bola.

Lukas 11:35

Iamo joo jagai anna danggi' napamalillinni Ballisi' to mata penawammi.

Lukas 11:37

Ia tonna mangkamo Puang Isa mangkada susi joo, denmi to-Farisi ssuai naratu kumande jio bolana. Malemi Puang Isa lako, nakumande jio.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Ibrani 5:14

Ia to kande makarrah dipasadian tomasaranianmo. Tomasaranianmo battuananna ia joo tau nnissenmo to disanga melo na gaja', naturu'i to melo.

Yakub 1:25

Te'da caccana to atoran-Na Puang Allataala na makuasa lla'paranki' jio mai kuasa dosa. Parallu diissen tongan, nadipallan penawa, nadipugauk tongan, te'da nadisa'ding manda arannai tangdiingaran. Jaji paralluki' mpugaukki to atoran-Na, nasaba' sininna tau to mpugaukki susi joo nabarakka'i Puang Allataala.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,