Lukas 11:35 - Alkitab Duri

³⁵ Iamo joo jagai anna danggi' napamalillinni Ballisi' to mata penawammi.

Lukas 11:35 Iomraidhean Croise

Kada Bulawan 16:25

Den tau nasanga melo to apa napugauk, apa cappa'na mebawa lako kamatean.

Kada Bulawan 26:12

Den unapa rannuanna to tobattuk, na ia to tossanga bang kalena macca.

Matius 6:22

Ia to mata penawa dipasangrupa lampunna kale. Ianna makassing to mata penawammi, manassa la nnissen kamu' pangngajaran tongan jio mai Puang Allataala.

Lukas 11:34

Ia to mata penawa dipasangrupa lampunna kale. Ianna makassing to mata penawammi, manassa la nnissen kamu' pangngajaran tongan jio mai Puang Allataala. Apa ianna tangmelo to mata penawammi, manassa te'da mipahangngi to pangngajaran tongan.

Lukas 11:36

Ia ke naarrangngi Puang Allataala to mata penawammi sanggenna te'da pangngajaran tongan jio mai Puang Allataala to te'da miissenni, melo ngasan to katuoanmi, susi bola ke naarrangngi lampu.”

Roma 1:22

Ssanga kalena paissen apa sitonganna tangpaissen.

2 Petrus 1:9

Na ia to tote'da namessipa' susi joo padai tobuta, te'da nakita macero, battuananna te'damo naingaranni kumua mangkami didampangan tonna madosa jolona.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.