Lukas 11:19 - Alkitab Duri

¹⁹ Mikua kumua kuasanna Beelzebul kupake nnula'i setang. Ia ke la susi joo, kuasa pole umbora napake anak gurummi nnula'i setang? Ia to napugauk anak gurummi mpangpepajananni kumua tosala kamu'!

Lukas 11:19 Iomraidhean Croise

Matius 10:25

Ganna'mi ke passikola pada gurunna, na kaunan pada puangna. Ia ke nasangana' tau Beelzebul, puanggawana setang, apa pole'pi kamu' to tonturu'na' la'bih-la'bih la gaja' sangammi.”

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Lukas 19:22

Nakuanmi puangna lako, ‘Ee, kaunan gaja'ko! La kusessako situru' kadammu. Muissen kumua aku' tee tomasa'ga', nnala bangna' tangngia pangngannaku', mpeburaina' tangngia pantananku'.

Lukas 9:49

Nakua Yahya mangkada, “Oo Guru, den tau kikita nnula'i setang mpau sangan-Ta', angkianggaii, nasaba' te'da namenturu' lako kita'.”

Jamanna Rasulu' 19:13

Den ba'tu pira-pira to-Yahudi pangjampi-jampi, male bang llelei tondok, nnula'i setang lan mai kalena tau. Nacoba toda ia mpau sangan-Na Puang Isa la nnula'i setang, nakua, “Sangan-Na Puang Isa to napangpeissenan Paulus kupau, messunko!”

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.