Lukas 11:13 - Alkitab Duri

¹³ Jaji, moi mitogaja', la miissen mbenni to melona lako anakkami, apa pole' to Ambe'mi Puang Allataala jao suruga la mben kamu' Roh Allataala ke meta'da kamu'!”

Lukas 11:13 Iomraidhean Croise

Kada Bulawan 1:23

Pesa'dingngi pole'i to pangpangngingaranku' lako kamu'! La kupauan ngasan kamu' to llanna penawangku', na la kuajahhi kamu' to kapaissenanku'.

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Matius 5:45

ammiwa'ding dikita anakka-Na Ambe'mi Puang Allataala jao suruga. Nasaba' Puang Allataala mpadenan allo tokassing sola togaja' na mparatuan too uran tomelo sola totangmelo.

Matius 6:14

Ia ke midampanganni to tokasalan lako kalemi, manassa kumua nadampangan toda kamu' Ambe'mi Puang Allataala jao suruga.

Matius 6:30

Ee, totangmatappa'! Ia ke naballoii Puang Allataala to reu jio padang susi joo, to tuo tee allo, na masawa disumpun, apa pole'raka to kamu' sola ngasan!

Matius 6:32

Ia ngasan to susi joo naangah bang tolino to tangnturu' Puang Allataala. Apa naissen ia Ambe'mi jao suruga kumua miparallui ngasan joo.

Matius 7:11

Jaji, moi mitogaja', la miissen mbenni to melona lako anakkami, apa pole'raka to Ambe'mi Puang Allataala jao suruga la mben kamu' to miparalluinna, ke meta'da kamu'.

Lukas 11:12

ba'tu nabenni singki'-singki', ke meta'dai talloh.

Lukas 11:2

Nakuamo Puang Isa lako anak gurun-Na, “Ia ammimassambajang, la mikua susi tee, ‘Oo Ambe', Dennaa upa' na sininna tau mpakala'bihki', anna tarima parenta-Ta'.

Lukas 18:7

La'bih-la'bih Puang Allataala la ntulung sininna tonapileimo, to massambajang bang allo-bongi. Te'da namangmela'-mela' ntulung umma'-Na!

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Roma 5:17

Mattantumo kumua nang la matei to sininna tolino, nasaba' dosana Nabi Adam. Apa ia to napugauk Puang Isa Almaseh la'bih mattantupa ia. La'bih mattantu kumua ia to tomangka dipakitan kameloan penawan-Na Puang Allataala na mangka dipupenjaji tomelo, la tuo te'da cappa'na nasaba' kamatean-Na Almaseh.

Roma 7:18

Kuissen kumua tangmelo to penawangku', nasaba' moi madoangna' mpugaukki to melona, te'da kukullei mpugaukki.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.