Lukas 10:42 - Alkitab Duri

⁴² Na mesa'ra ia to gaja parallu. Napileimo ia Maryam joo kaminang melo, iamo to mpesa'dingngi kadan-Na Puang Allataala, na te'damo na la dialai.”

Lukas 10:42 Iomraidhean Croise

Markus 8:36

Apara bua'na lako tau ke naassang ngasanni tee lino, apa te'da naampa' katuoan melo te'da cappa'na?

Lukas 10:39

Ia joo Marta den sile'tona disanga Maryam. Ia joo Maryam cadokko bang siandah Puang Isa mpesa'dingngi pangngajah-Na.

Lukas 11:1

Den pissen namale Puang Isa massambajang. Ia tonna mangkamo, ratumi mesa' to anak gurun-Na mangkada nakua, “Oo Puang, ajahhikan massambajang susi Nabi Yahya nnajahhi anak gurunna.”

Lukas 12:20

Apa nakua Puang Allataala mangkada lako joo tosugih, ‘Ee, tobango'! Ia bang unamo tee bongi naladika'tu to sunga'mu. Na indamora la mpuapai to ewanan murempun?’

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 16:2

Iamo joo natambai tosugih joo pangjamana naratu nakuanni, ‘Apara iko mupugauk napauko tau? Ia bang unamo tee too pakitan ngasanna' sura' indanna tau, nasaba' te'damo muwa'ding nnanna doi'ku'.’

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 8:18

Iamo joo ingaran meloi tee apa misa'ding. Nasaba' ia to tonnampuimo buda apa la dirangngannipa la'bih buda. Apa ia to totangnnampui apa, ia to apa ci'di'mora naampui, la dialai pissen.”

Yahya 11:1

Den tau disanga Lazarus to torro jio kota Betania sola sile'tona Maryam sola Marta. (Iamo tee Maryam, to baine ntua'i minynya'-minynya' busarungngu' aje-Na Puang Isa, na ia to lolongna napa'dii beluakkana.) Den wattu namasaki joo Lazarus.

Yahya 11:19

Buda to-Yahudi ratu la mpakatana Marta sola Maryam, sanga ia joo kamateanna sile'tona.

Yahya 12:3

Ratumi Maryam mbawa minynya'-minynya' gaja suli' allinna to disanga narwastu agi-agi sitangnga litere'. Natua'i lako aje-Na Puang Isa namane' mpa'dii beluakkana. Silele lan bola to baunna, sanga liwa' busarungngu'na.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

1 Korintus 13:3

Moi na sininna ewananku' kupassudakkan lako tokaasi-asi, ba'tu mpangbenna' kaleku' ditunu, apa ke te'dai kupakamoja' padangku' rupa tau, manassa ia joo te'da ngasan bua'na lako kaleku'.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Yosua 24:15

Ia ke cia' kamu' massompa lako PUANG Allataala, pattantu memanmi too indara to la misompa. Lakoraka dewata to nasompa tojolota' jio Mesopotamia tonna anu', ba'tu iaraka to dewata nasompa to-Amori to tanii torro kampongna too? Apa ia to aku' sola sininna tau llan bolaku', la massompa lakokan kami' PUANG Allataala.”

Yosua 24:22

Nakuamo Yosua, “Jaji ia ke susii tuu, kamu' kalena ssa'bii kalemi, mipattantui kumua PUANG Allataala mandara to la misompa.” Mebalii to to-Israel nakua, “Tongan! Na kami'mora kami' ssa'bii kaleki'.”