Lukas 10:22 - Alkitab Duri

²² Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Lukas 10:22 Iomraidhean Croise

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 17:10

Sininna to taung-Ku' taun-Ta' too, na sininna to taun-Ta' taung-Ku' too. Na ia to kamala'biran-Ku' pajan lan tangnga-tangngana tuu lako taun-Ta'.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 17:26

Kupangpeissenanmiki' lako tuu lako taun-Ta', na la kupugauk tarruh susi joo, dikua naperasai to pangpakamoja'-Ta' lako Aku', susi Aku' mperasaii, angkumemmesa' sola tuu lako taun-Ta'.”

Yahya 17:5

Oo Ambe'! Pakala'bihmo' tee too. Ben pole'mo' to kamala'biran kuampuimo tontasola unapa, tonna te'dapa nadipaden tee lino.

Yahya 3:35

Napakamoja' Ambe' to Anak, jaji sininna apa napangben ngasanmo nakuasai Anak.

1 Korintus 15:24

Mangkai joo too, Kiama'mi lino. Ia joo wattu la nataloi Almaseh to sininna kaparentan, kamakuasan, na sininna kamawatangan, namane' mpangben kakuasan-Na susi Raja lako Ambe'ta' Puang Allataala.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Efesus 1:21

La'bih majao ia to torroan-Na Almaseh na ia to torroanna sininna kuasa ba'tu kaparentan jao langi' na lan lino, ba'tu laenna to dikita majao, la tuona tee too, ba'tu ia ke jio ahera'.

Ibrani 2:8

sola tongkuasai sininna apa.” Mangka napakuasa Puang Allataala to tolino lako sininna apa. Jaji, moi mesa' te'da apa tangnakuasai to tolino. Moi nasusi joo, ia tee too te'dapa takitai kumua nakuasai tolino to sininna apa.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.