Lukas 10:11 - Alkitab Duri

¹¹ ‘Moi to carepa kotami le'ke' jio ajeki' kipentambakan too, la mpangngingaran kamu' to kasalanmi. Apa la miissen kumua cingga'tu'mora naratu Puang Allataala mangparenta susi Raja!’

Lukas 10:11 Iomraidhean Croise

Matius 10:14

Ia ammiratu lako mesa' bola ba'tu kota, na te'da natarima kamu' to tau jio, iarika tangnapesa'dingngi kamu', salai joo bola ba'tu kota, mipentambakanni to carepa jio ajemi.

Matius 10:7

Pauanni kumua cingga'tu'mora naratu Puang Allataala mangparenta susi Raja.

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Markus 6:11

Apa ia ammiratu lako mesa' kampong, nate'da natarima kamu' tau jio, iarika tangnapesa'dingngi kamu', salaii joo kampong. Mipentambakanni to carepa jio ajemi la mpangngingaranni tuu lako tau to kasalanna!”

Lukas 10:10

Apa ia ke mentama kamu' kota, na te'da miditarima, messun kamu' mipangpeissenanni jio bata' kumua,

Lukas 10:9

Pamalagahhi to tomasaki lan joo kota, mipangpeissenanni kumua, cingga'tu'mora naratu Puang Allataala mangparenta susi Raja.

Lukas 9:5

Apa ia ammiratu lako mesa' kota, na te'da miditarima, salai joo kota, mipentambakanni to carepa jio ajemi, la mpangngingaranni tuu lako tau to kasalanna!”

Jamanna Rasulu' 13:26

Ee todipusile'to, la kamu' to bati'na Nabi Ibrahim, la kamu' to ssompa todamo Puang Allataala! Mangkamo kamu' naparatuan Puang Allataala to Kareba Kasalamatan.

Jamanna Rasulu' 13:40

Iamo joo la mangpesa'ding melo kamu', danggi' najaji lako kalemi to apa dipau lan sura'na nabi nakua,

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

Jamanna Rasulu' 13:51

Apa mpentambakanni ajena Paulus sola Barnabas. Mangkai joo too malemi lako kota Ikonium.

Roma 10:21

Apa nakua Nabi Yesaya mpaui to kada napasan Puang Allataala lako to-Israel nakua, “Da'tan bangna' mpupengkorongan limang-Ku' lako kamu', bangsa to tangmenturu' naewa toona'.”

Roma 10:8

Nauki' omi Nabi Musa kumua, “Ia joo kadan-Na Puang Allataala mandoppi'ra jio mai kalemu, jioi timummu sola lanni penawammu.” Iamo to kareba kipangpeissenan kumua sininna tau parallu la matappa' lako Puang.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.