Lukas 1:80 - Alkitab Duri

⁸⁰ Samatonggo-tonggona na saendek-endekkena toomi sumanga'na tee anakkana Zakharia. Torromi jio padang pallawangan, sanadete'na wattunna mpangpekitan kalena lako to-Israel.

Lukas 1:80 Iomraidhean Croise

Matius 11:7

Ia tonna polemo to pesuanna Nabi Yahya, napamulami Puang Isa mpaui lako tobuda to Nabi Yahya nakua, “Apara male mikita jio padang pallawangan? Te'da mimale ngkita sanglambah reu nairi' angin.

Matius 3:1

Ba'tu pirang-pirang pulo taunna den mesa' nabi disanga Yahya mpamula jamanna, namale lako tangnga padang pallawangan jio tana Yudea. Namangngajahhi nakua,

Lukas 1:15

Ia joo pea, la mala'bih situru' pengkitan-Na Puang Allataala, na te'da nalamangngiso' anggoro' ba'tu nniso' to makarrahna. Mangpamula nakeba'tangan indona nakuasai tarruhhi Roh Allataala.

Lukas 2:40

Ia joo pea samatonggo-tonggonami na memmawatang. Liwa' melo pangtangngaran-Na na napakamoja' tarruhhi Puang Allataala.

Lukas 2:52

Samatonggo-tonggonami Puang Isa, samandalan-dalanna pahang-Na, na sanapakamoja'-moja'na too Puang Allataala na sininna tau.

Yahya 1:31

Na iamo kuratu njio' wai tau, dikua angkupangpeissenanni to Raja Mangpasalama' lako to-Israel. Susi toda aku' tonna pamulanna, te'da kuissenni kumua indara to Raja Mangpasalama'.”

Jamanna Rasulu' 18:28

Natalo kadai to to-Yahudi jio olona tobuda ke site'gehhi, nasaba' kamatongkoanna mangkada. Napabuttii mpake Sura' Allataala kumua Raja Mangpasalama' to Puang Isa, pura dipau tonna anu'.