Lukas 1:65 - Alkitab Duri

⁶⁵ Malaja' ngasanmi to bali bolana, na ia ngasan tau ncuritai joo kareba jio sininna membuntunna tana Yudea.

Lukas 1:65 Iomraidhean Croise

Matius 2:1

Ia tonna jajimo Puang Isa jio kota Betlehem, ratumi jao kota Yerusalem to ba'tu pira-pira tomacca ngkita bintuin jio mai kadellekan. Ia to kota Betlehem mesa' kota jio tana Yudea, to naparenta Raja Herodes.

Lukas 1:39

Mangkai joo too malemi Maryam lako mesa' kota jio padang membuntunna tana Yudea.

Lukas 2:18

Jangngah ngasan to tau ssa'ding curitanna.

Lukas 5:26

Jangngah ngasan tuu lako tau anna mpakala'bih Puang Allataala. Silajatan ngasanni nakua, “Liwa' mejangngaran to apa takita tee allo!”

Lukas 7:16

Malaja' ngasanmi tuu lako tau na mpakala'bih Puang Allataala nakua, “Denmo mesa' nabi tonggo lan tangnga-tangngata'. Ratumi Puang Allataala mpasalama' umma'-Na!”

Jamanna Rasulu' 19:17

Nasa'ding ngasan to-Yahudi sola to-Yunani to torro jio kota Efesus joo, namemmalaja'. Sadipakala'bih-la'bihnami to Puang Isa.

Jamanna Rasulu' 2:43

Liwa' buda tanda mejangngaran napugauk rasulu', anna jangngah to tobuda na malaja' too.

Jamanna Rasulu' 5:11

Gaja lanjang ngasan to tomatappa' sola to tau laen to ssa'dingngi joo.

Jamanna Rasulu' 5:5

Ia tonna mangka ssa'dingngi joo kada, ta'pa tipessambakmi Ananias namate. Padami to tossa'dingngi joo, memmalaja' ngasan.

Yosua 10:40

Susimi joo Yosua ntaloi rajana to-Kanaan, narampai to tanana. Iamo to membuntunna sola membuntu-buntunna tana Yehuda, padang makase Negeb na awa' buntu kalambunanna Tasik Mate. Te'da lalo moi mesa' tau naeloran tuo, nasaba' susimi joo to Napangparentan PUANG Allataala to nasompa to-Israel.

Yosua 10:6

Denmi to-Gibeon disua male mbawa pepasan lako Yosua jio Gilgal to nanii mangtenda kumua, “Danggi' tapamesa-mesakan tee kami' kaunanta', madoi'ki' ratu ntulungkan, nasaba' ia to rajana to-Amori to torro ntee lako membuntunna mesa' penawami la rrarikan.”

Pengkitanna Yahya 11:11

Ia tonna tallung allomo sitangnga, ratumi to roh la mangpatuo jio mai Puang Allataala, namentama pole' kalena joo dua sa'bi anna tuo. Ta'pa mi'cikki nake'deh anna gaja laja' to sininna tau ngkitai.