Lukas 1:6 - Alkitab Duri

⁶ Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Lukas 1:6 Iomraidhean Croise

Lukas 1:7

Te'da anakkana, nasaba' tamanangngi to Elisabet na matuami sola dua.

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Lukas 2:25

Ia joo wattu, den tau disanga Simeon torro jio kota Yerusalem. Tomelo penawa joo tau na ngkasiri' Puang Allataala, ntajan bang wattunna Puang Allataala la mpasalama' to-Israel. Nakuasai bang Roh Allataala.

Jamanna Rasulu' 2:25

Den napau joloi Raja Daud tonna anu' to Puang Isa nakua, ‘Tuli kukita lindo to Puang jio oloku', jio bang sa'deku' ssolanna', dikua anna te'da kutiapa-apa.

Jamanna Rasulu' 23:1

Nakaje'jekki Paulus tuu lako Pangbicara Agama, namangkada nakua, “Ee, todipusile'to sola ngasan! Ratu lako too allo, tuli kupugauk to situru' pakkaeloran-Na Puang Allataala, na maruruh to penawangku'.”

Jamanna Rasulu' 24:16

Iamo joo kutuli mpengkulle-kullei tonganni manggauk melo la lako padangku' rupa tau, la lako Puang Allataala. Susiri joo to tonganna.

Jamanna Rasulu' 8:21

Te'da iko musipato' nturu'i tee jamanki', sanga te'da iko mumalampu' lako Puang Allataala.

Roma 8:4

Napugaukki Puang Allataala susi joo, dikua anna ia to pakkaeloran-Na, to pajan lan atoran agama, wa'ding tapugauk, nasaba' te'damo tatuo situru' kamadoangan penawanta', apa situru' Roh Allataala.

1 Korintus 11:2

Kupuji kamu' sanga tuli miingaranna', ammituru' tooi to pangngajah kuajaran kamu'.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

1 Tesalonika 3:13

Na dennaa upa' napamawatangngi Puang penawammi, anna te'da dosami na te'da caccami jio olo-Na Puang Allataala, Ambe'ta', ke ratu pole'i Puangta' Puang Isa sola sininna taun-Na.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.