Lukas 1:26 - Alkitab Duri

²⁶ Ia tonna annanmo bulanna keba'tang Elisabet, nasuami Puang Allataala to malaeka' Jibrail male lako kota Nazaret, mesa' kota jio tana Galilea,

Lukas 1:26 Iomraidhean Croise

Daniel 8:16

Denmi gamaranna tau kusa'ding metamba jio mai sambali'na Sa'dan Ulai, nakua, “Ee Jibrail, pauanni Daniel battuananna joo pengkitanna.”

Daniel 9:21

Ia tongkumassambajang unapa, ngkita omo' malaeka' Jibrail to mangka kukita ba'tu piran lan pengkitangku', mentia' mangnguju lako aku'. Ia joo wattu mangkaroba soloh allomi to tau.

Matius 2:23

Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Lukas 1:19

Mebalimi joo malaeka' nakua, “Aku'mo tee Jibrail, pesuro matappa'-Na Puang Allataala, disua mpauanko tee kareba kamarioan.

Lukas 2:39

Ia tonna mangkamo Yusuf sola Maryam mpugauk ngasanni to atoran-Na Puang Allataala, polemi sola tallu re' kota Nazaret jio tana Galilea.

Lukas 2:4

Susi toomi Yusuf male jio mai kota Nazaret jio tana Galilea, lako kota Betlehem jio tana Yudea, kota kajajianna Raja Daud, nasaba' Yusuf bati'na Raja Daud.

Yahya 7:41

Den too to kumua, “Iamo tee Raja Mangpasalama'!” Apa den toopa to kumua, “Wah te'da nalapole lan mai tana Galilea to Raja Mangpasalama'!