Lukas 1:15 - Alkitab Duri

¹⁵ Ia joo pea, la mala'bih situru' pengkitan-Na Puang Allataala, na te'da nalamangngiso' anggoro' ba'tu nniso' to makarrahna. Mangpamula nakeba'tangan indona nakuasai tarruhhi Roh Allataala.

Lukas 1:15 Iomraidhean Croise

Lukas 1:14

La gaja sannangko, na buda tau la mpumasannangngi to kajajianna joo pea.

Lukas 7:28

Nakuapa Puang Isa, “Ingaranni, lan tee lino te'da tau la'bih mala'bih na Nabi Yahya, apa moi nasusi joo, ia to tokaminang majiong jio mai umma'-Na Puang Allataala, la'bih mala'bihpa ia na Nabi Yahya.”

Lukas 7:33

Battuananna: ratumo to Nabi Yahya, napuasa na te'da naiso' anggoro', mikua ora kumua, ‘Natamaii setang!’

Yahya 5:35

Ia to Nabi Yahya susi palita dukku mangngarrang. Na ia joo kadanna susi arrang, apa cingga'tu'ra kamu' masannang ntarimai.

Jamanna Rasulu' 2:4

Nakuasai ngasanmi Roh Allataala namangkada mpake mangrupa-rupa basa to silaen-laenan. Pada mangpaui situru' apa to napatujuanni Roh Allataala la napau.

Galatia 1:15

Apa moi nasusi joo, ia to Puang Allataala mangka mpileina' tongkulan unapa ba'tangna indoku', na Iamo mpakedoi penawangku', sanga kameloan penawan-Na lako aku'.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

Yosua 3:7

Mangkada-Mi PUANG Allataala lako Yosua Nakua, “Mangpamula too allo, Kupamala'bihko, dikua nataratte'ko sininna to-Israel, naissenni kumua Aku' ntulungko, susi Nabi Musa Kutulung.

Yosua 4:14

Iamo joo wattu Nanii PUANG Allataala mpamala'bih Yosua jio olona sininna to-Israel. Angge tuona nataratte'i to-Israel, susi Nabi Musa nataratte' tonna anu'.