Filipi 4:8 - Alkitab Duri

⁸ Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

Filipi 4:8 Iomraidhean Croise

Kada Bulawan 11:1

Nakaba'ci Puang Allataala to tompakande dacing, apa Nakabudai to tomaruruh mangtimbang.

Kada Bulawan 12:4

Ia to baine macca nnurusu' repokkona, nataratte' tau to muanena, apa ia to baine mpakasiri' muanena, butung saki mpamarapoh bukunna muanena.

Kada Bulawan 16:11

Nakabudai Puang Allataala dikua namaruruh mangdangkang to tau, moi ke mpakei litere' sola dacing te'da nadipakande.

Kada Bulawan 20:7

Ia ke makassingngi na maruruh penawanna to ambe', napumaupa' bati'na.

Kada Bulawan 31:10

Masussa diampa' to baine macca nnurusu' repokkona, la'bih keangga' na paramata.

Kada Bulawan 31:29

Nakua muanena, “Buda baine to macca, apa te'da ncau' maccako.”

Kada Bulawan 31:31

Benni balahna to sininna panggaukan melona, ake' na panggaukan melona nadipakala'bih jio ngenan kasirempunan!

Matius 22:16

Nasuami to ba'tu pira-pira anak gurunna sola ba'tu pira-pira taunna Raja Herodes male lako Puang Isa. Nakua lako Puang Isa, “Oo Guru, kiissen kumua maruruhki' mpangpangngajaran pakkaeloran-Na Puang Allataala lako tobuda, nasaba' te'da tau tapasilaenan.

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Lukas 2:25

Ia joo wattu, den tau disanga Simeon torro jio kota Yerusalem. Tomelo penawa joo tau na ngkasiri' Puang Allataala, ntajan bang wattunna Puang Allataala la mpasalama' to-Israel. Nakuasai bang Roh Allataala.

Lukas 23:50

Den mesa' tau disanga Yusuf, to-Arimatea jio tana Yudea. Tomelo penawanna, na todikasiri' too, tontajan wattunna Puang Allataala la mangparenta susi Raja. Moi na mesa' Pangbicara Agama, apa te'da nasitujuii to kara'tasanna sola panggaukanna solana.

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

Jamanna Rasulu' 10:22

Nakua mebali, “Nasuakan Kamandang Kornelius ratu inde'. Ia mesa' tomelo, to ssompa Puang Allataala, nakasiri' sininna to-Yahudi. Mangka nasua malaeka'-Na Puang Allataala mpeta'dako male lako bolana, dikua nasa'dingngi apa to la mupauanni.”

Jamanna Rasulu' 22:12

Den mesa' tau jio disanga Ananias. Tomatappa' tongan joo tau na tatta' mpugauk atoranna Nabi Musa. Sininna to-Yahudi to torro jio kota Damsyik ngkasiri'i.

Jamanna Rasulu' 6:3

Jaji melo ke mpilei kamu' pitu tau lan mai tangnga-tangngami to todikasiri', tomelo pangtangngaranna nakuasai too Roh Allataala. Iamo la kiangka' nnurusu'i tee,

Roma 13:13

La maruruhki' susi kumua ratumi to kasalamatan. Danggi' mitakkajulu' gaja mangmaroah-roah, ammimalango. Danggi' manggauk sala, danggi' mipugaukki to tangsipato'na, danggi' massibobo' ba'tu masere ati.

Roma 13:3

Te'da ia tomanggauk melo la malaja' lako tomangparenta, apa tosalara. Iamo joo, ia ke manggauk melo kamu', te'da miparallu malaja' lako tomangparenta, apa napakala'bih kamu' tomangparenta.

Roma 14:18

Ia to tonturu' Almaseh susi joo, napusannang Puang Allataala, nakasiri' tooi tau laen.

Roma 2:29

Sibalikanna ia to to-Yahudi, to direken umma'-Na tongan Puang Allataala, iamo to to mangpenawa to-Yahudi tongan, na ia to sunna' tongan lanri ia penawa. Ia tee napugauk Roh Allataala, na tangnakulle atoran agama mpugaukki. Ia to tosusi joo kadipakala'biranna te'da napole jio mai tolino, apa pole jio mai Puang Allataala.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

2 Korintus 13:7

Massambajangkan lako Puang Allataala nate'da mipugauk kasalan. Te'dara kimassambajang susi joo la mpamanassai kumua naakuikan Puang Allataala, apa kikuara mipugaukki to pakkaeloran-Na Puang Allataala, moi naden tau ssangakan kumua te'da naakuikan Puang Allataala.

2 Korintus 6:8

Manassa kumua tonasuakan Puang Allataala, moi nataratte'kan tau ba'tu napakasiri'kan, moi napujikan ba'tu napau gaja'kan. Nasangakan tau pangnguraga moi natonganna bang to kipau.

2 Korintus 8:18

Den too mesa' padanta' tomatappa' kisua nasolan. Na nakasiri' tongan jamaa la umbo-umbo nanii, sanga melo to jamanna mpangpeissenan Kareba Kasalamatan.

2 Korintus 8:21

Madoangkan ke manassai kumua tomaruruhkan, te'da na situru' manda Puang, apa situru' too tolino.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,

Efesus 4:25

Ee, tomala'bihku'! Danggi' mimangkada tangtongan lako padammi rupa tau, apa maruruh kamu' mpaui to tonganna, nasaba' umma'-Namo kamu' Almaseh.

Efesus 5:9

Panggaukan melo, maruruh na tongan pole jio ngasan mai Puang.

Efesus 6:14

La mawatang kamu' ammisadia mangngewa. Ia to pangngajaran tongan, la mipake susi saripi, na ia to kamarurusan la mipake susi baju bassi.

Filipi 3:1

Ee, tomala'bihku'! Mangkatampakanna, la masannang kamu' sanga mesa' penawamo kamu' sola Puang Allataala. Ia ke kudadu'i nnukiran kamu' to apa mangka kupauan kamu' mati', te'dara namatumba, na la mipumelona ia.

Kolose 4:5

La macca kamu' ke sola kamu' totangnturu' Puang. Na la mipake to wattu diben kamu' mpangpeissenanni to karebanna Almaseh umbo-umbo minii.

1 Tesalonika 4:12

Ia ke susimi joo to sipa'mi, te'damo mimangpenanda bang lako tolaen. Na ia to totangmatappa' lako Puang Isa la ngkasiri' kamu'.

1 Timotius 2:2

sininna raja na sininna tomatonggo lako Puang Allataala. Pugaukki susi joo antatuo masannang sola manyaman, na te'da apa hhalangngiki' ssompa Puang Allataala antamessipa' melo too lako padanta' rupa tau.

1 Timotius 3:11

Ia too ke denni baine menjaji tomangjama ntulung jamaa la tomelo toopi, te'da nawa'ding mpau gaja' padanna rupa tau, apa nta'tan kalena na maruruh lan sininna passalan.

1 Timotius 3:4

La macca nnurusu' repokkona na mangpesa'ding nakasiri' tooi anakkana.

1 Timotius 4:12

Danggi' naden mesa' tau ntunaiko, nasaba' kallolopoko, apa la menjajiko palelean mata lako tomatappa' ke mangkadako, ke messipa'ko, ke mangpakamoja'ko padammu rupa tau, ke matappa'ko, mujagai kalemu anna te'da caccana.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

1 Timotius 5:2

na ia to baine matua, la mukita indo. Ia to ana'dara la mukita adi tonganmu. La mupugaukki joo anna te'da caccamu.

Titus 1:8

Parallu mario ke denni tau lleppangngii, nakabudai mpugauk kameloan, tomandalan tangngah, tomangkada tongan, tonturu' pakkaeloran-Na Puang Allataala na tonta'tan kalena.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Titus 2:2

Pakainga'i to tomatua muane, anna ta'tan kalena, mandalan tangngah, na tomelo anna sipato' dikasiri'. La matappa'i lako Puang Isa Almaseh, mpakamoja' padanna rupa tau, sabbara' ke maparri'i.

Titus 2:7

La mpangpekitanko sipa' melo lan sininna passalan. Susinna ia ammumangngajahhi, la mangkada tonganko ammutongan-tongannii mangngajahhi.

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

Ibrani 11:2

Napangpeissenanni Puang Allataala kumua den to tojolo nakabudai, sanga matappa'i.

Ibrani 13:18

Pellao doangankan. Kikatappa'i kumua melo to lan penawangki', sanga tuli madoangkan mpugauk kameloan.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

2 Petrus 3:1

Ee, tomala'bihku' to kupakamoja'! Mangpenduannamo tee sura' kukiringan kamu'. Ia to issinna tee dua sura' kupangngingaran kamu' to pangngajaran tongan anna ia to pikkirisanmi situru' pakkaeloran-Na Puang Allataala.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

Rut 3:11

Iamo joo danggi' mumalaja' Rut, la kupugauk ngasan to mupeta'danna, nasaba' sininna tau lan tee kota naissen ngasan kumua mesa'ko baine melo sipa'mu.