Filipi 4:6 - Alkitab Duri

⁶ Danggi' naden apa mipuselang, apa paui to miparalluinna lako Puang Allataala lan passambajangmi, mimangkurru sumanga' too,

Filipi 4:6 Iomraidhean Croise

Kada Bulawan 15:8

Ia to passambajangna to tomaruruh penawanna, Natarima Puang Allataala apa Nakaba'ci to passompana togaja'.

Kada Bulawan 16:3

Rannuan lakoi Puang Allataala to sininna la mupugauk, nakeassele' to muakkattai.

Daniel 3:16

Mebalii Sadrakh, Mesakh na Abednego lako Raja Nebukadnezar nakua “Ie' puang, te'da bua'na kipebalii tuu pekutananta'.

Daniel 6:10

Arannai dipasun tongan to sura' parenta natekenni Raja Darius.

Matius 10:19

Apa ia ammidipangngolo, danggi' miselang kumua apara la mipau, ba'tu umbo la mikua mebali. Nasaba' la dipauan kamu' apa to la mipau joo wattu.

Matius 13:22

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselang bangngi katuoanna, namadoang bang too la sugih. Iamo joo nni'pinnii joo kada lan penawanna, anna te'da namembua.

Matius 6:34

Iamo joo danggi' mipuselangngi to la miputuona masawa. Ganna'mo ke mipikkiri'i to la miputuona tee allo, nasaba' masawanna, laen o ia to napuselangna.”

Matius 6:8

Danggi' misusi joo, nasaba' te'dapa mipeta'dai, naissen jolomo Ambe'mi Puang Allataala to miparalluinna.

Lukas 10:41

Mebalimi Puang Isa nakua, “Ee Marta, buda bang to mupuselang sola mupikkiri'.

Lukas 12:22

Nakuamo Puang Isa lako anak gurun-Na, “Iamo joo, la miingaran! ‘Danggi' mipuselangngi to katuoanmi, to kumua apara to la mikande, ba'tu apara to la miputamangkale.’

Lukas 12:29

Iamo joo danggi' mipuselangngi to kumua apara to la mikande ba'tu apara to la miiso'. Danggi' mika'tu rannu.

Lukas 18:1

Napauan pole' omi pangpasusian Puang Isa to anak gurun-Na la mpamanassai kumua danggi' naka'tu rannu sola marosso massambajang lako Puang Allataala.

Lukas 18:7

La'bih-la'bih Puang Allataala la ntulung sininna tonapileimo, to massambajang bang allo-bongi. Te'da namangmela'-mela' ntulung umma'-Na!

1 Korintus 7:21

Ia ke kaunan kamu' tommimane' matappa', te'da naciapa. Apa ianna den wattummi dipamaradeka, pakei joo wattu.

1 Korintus 7:32

Madoangna' kumua kenna danggi' miperasai kamasussan. Susinna ia to tobelangpa, Puang manda napikkiri', nasaba' madoangngi mpamasannang Puang.

2 Korintus 1:11

nasaba' mipassambajangankan. Ia ke mipugaukki susi joo, buda tau la mangkurru sumanga' lako Puang Allataala, nasaba' barakka' to la nabenkan situru' passambajangmi.

Efesus 5:20

La mangkurru sumanga' tarruh kamu' lako Ambe'ta' Puang Allataala mpau sangan-Na Puangta' Puang Isa Almaseh, nasaba' sininna to mangka napugauk lako kamu'.

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

Kolose 3:15

Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Kolose 4:2

Danggi' mipajaii massambajang lako Puang Allataala. Na ia ke massambajang kamu' mangkurru sumanga' too kamu'.

1 Timotius 2:1

Kaminang paralluna' mpeta'dai ammimpassambajanganni, mpeta'da doanganni sola mpangkurrusumangasan sininna tau,

1 Timotius 5:5

Ia to baine te'damo muanena na te'damo tau njaranai, mellao doang tarruhhi mpeta'da pangkamasean-Na Puang Allataala, sanga ia mandamora narannuan.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

1 Petrus 5:7

Danggi' mipuselangngi to miparalluinna, ma'namo na Puang Allataala nnurusu'i to sininna apa mipuselang, nasaba' Iara mben kamu' kaparalluanmi.