Filipi 4:12 - Alkitab Duri

¹² Mangkamo' kaasi-asi, mangka toomo' kala'bian. Moi apa ngkannana' kupumasannang, la kabarasanraka, la katangbarasanraka, la kala'bianraka, la katanggannatanraka.

Filipi 4:12 Iomraidhean Croise

Matius 11:29

Turu'i to parenta-Ku', mipelajahhii to pangngajaran-Ku', nasaba' Aku' tee te'da kulassussai kamu', te'da kamu' to la kukita majiong, milolongan kamasannangan.

Matius 13:52

Nakuamo Puang Isa, “Iamo joo la mipahang kumua ia to guru agama to-Yahudi to menjaji umma'-Namo Puang Allataala na ntarimamo pangngajaran-Na, susimo to ampu bola mpasun ngasan ewananna la jolona la barunna lan mai ngenanna, napangpekitanni.”

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

2 Korintus 10:10

Susinna ke nakua tau, “Barani na matongko to Paulus lan sininna sura'na. Apa ianna ratumo lan tangnga-tangngata', tangmatongkomi na te'da lalo nakebattuan to kada-kadanna!”

2 Korintus 11:27

Gaja makkaresona', tangmekabo'jo'na' mangjama, pembudamo' tangmamma', tangkumande, tangmangngiso', puasa, macakke' na tangmangpakean.

2 Korintus 11:7

Ia tongkupangpeissenan Kareba Kasalamatan lako kalemi, mpamajiongna' kaleku' makkareso na iamo joo kunii mpamatande kamu' sanga moi pissen te'da kupeta'dai kamu' to la kuputuona. Ammisanga ora' kumua iamora joo kupusala lako kamu'!

2 Korintus 11:9

Ia joo wattu ke denni kaparalluanku', moi mesa' te'da kupeta'dai kamu' to la kuputuona. Apa ia to padanta' tomatappa' inde' propinsi Makedonia ratu ngganna'i to kakuranganku'. Kujagai melomo anna te'da kusussai kamu' mpeta'dai to la kuputuona, na la kujagai tarruh nate'da kusussai kamu'.