Filipi 3:6 - Alkitab Duri

⁶ Ia ke panggaukanku', aku'mo to kaminang ssessa tomatappa' lako Puang Isa. Ia ke kamenturusanku' lako atoran agama, te'da atoran tangkuturu'i.

Filipi 3:6 Iomraidhean Croise

Matius 23:25

Macilaka kamu' to guru agama sola to-Farisi, nasaba' tomajekkong kamu'! Ia ammibasei isotan ba'tu kandean, saleanna manda mibasei, apa lanna liu carepa unapa. Susimi joo, ia to ada' wa'ding nakita tau mituru' tongan, apa lan penawammi buda kamaullakan sola kamadoangan rrampa apanna tau.

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Jamanna Rasulu' 21:20

Mpakala'bihhi Puang Allataala sola ngasan tonna mangka ssa'dingngi joo. Namane' ngkuanni to Paulus, “Ee, todipusile'to! La muissen kumua massa'bu-sa'bumo to-Yahudi memmatappa' lako Puang Isa, nallundukki atoranna Nabi Musa.

Jamanna Rasulu' 22:5

Imang Lompo sola padanna Pangbicara Agama to wa'ding mpaissenniki' kumua te'da kumangnguraga. Ia bang unamo mangka mbenna' sura' kubawan to-Yahudi jio kota Damsyik, dikua angkuwa'ding njokkoi to tomatappa' lako Puang Isa, angkubawai lako kota Yerusalem nadipakario-rio.”

Jamanna Rasulu' 26:5

Mellao jio mai naissenna'. Na ia sitonganna, ke la madoangngi, na wa'dingngi la mpangpeissenanni kumua mellao jiona mai, tuomo' susi to-Farisi to mata'da' nturu' atoran agamangki'.

Jamanna Rasulu' 8:3

Apa ia to Saulus madoang tarruh bang la ssabu'i joo jamaa. Iamo joo namale llelei bola, narui' simesa'i lan mai la muane la baine, napangpetarungkuanni.

Roma 7:9

Ia tonna jolona te'da kuissen atoran agama. Apa ia tongkuissenmi, napamulamo' napukaunan kuasa dosa,

1 Korintus 10:32

Danggi' na panggaukanmi napusaba'i tolaen madosa, la to-Yahudi, la bangsa tangngia to-Yahudi, iarika jamaa-Na Puang Allataala.

1 Korintus 15:9

Aku'mo rasulu'-Na Puang to kaminang majiongna. Tangsipato'na' disanga rasulu', nasaba' gaja budamo tomatappa' lako Puang Isa kusessa.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

1 Timotius 1:13

moi kupau gaja'i tonna jolona angkupakario-rioi to tonturu'i. Apa nakamaseina' Puang Allataala, sanga ia joo wattu te'da kuissenni to apa kupugauk, nasaba' te'dapa kumatappa'.