Filipi 3:3 - Alkitab Duri

³ nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Filipi 3:3 Iomraidhean Croise

Roma 1:9

Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

Roma 15:17

Masannang penawangku' ncuritai lako kamu' to jamanku' lako Puang Allataala, nasaba' memmesa' penawana' sola Puang Isa Almaseh.

Roma 7:6

Apa ia tee too mangkamiki' mate tadila'paran jio mai atoran agama. Te'damo tasusi jolona mengkaunan lako atoran to diuki', apa mengkaunanmiki' lako Puang Allataala situru' cara baru to napakitanki' Roh Allataala.

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

Roma 8:39

ba'tu apa jao langi', ba'tu apa lan kuli'na padang, ba'tu laennapa, te'da nakullei mpupessarakki' jio mai pangpakamoja'-Na Puang Allataala, susi to napapajan Puangta' Puang Isa Almaseh.

Roma 9:6

Tangjajiraka basse-Na Puang Allataala, nasaba' buda to-Israel te'da namatappa'? Te'da, nasaba' te'da na sininna to-Israel to napilei Puang Allataala.

2 Korintus 11:18

La mpuji todana' kaleku', sanga buda tau mpuji kalena nasaba' kapakullean kalena.

Galatia 5:25

La nturu'miki' Roh Allataala, nasaba' mangkamiki' naben katuoan baru!

Galatia 6:16

Dennaa upa' nabenni Puang Allataala kamamasean-Na sola kamasannangan-Na sininna to nturu'i tee pangngajaran, iamo to umma'-Na Puang Allataala.

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Filipi 3:12

Te'da kukua mangkamo' nnampa'i joo kukadoangngi, iarika mangkamo' menjaji totangkasalan. Apa tarruh-tarruh bangpa' mpengkulleii, kenna wa'ding kuampa' todai, nasaba' iamo joo patun-Na napupenjajina' Puang Isa Almaseh taun-Na.

Filipi 3:14

Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

Kolose 2:11

Wa'ding dipau kumua mangkamo kamu' disunna', nasaba' memmesa' penawamo kamu' sola Almaseh. Te'da nasunna' kamu' tau, apa iara to penawammi nasunna' Almaseh. Battuananna mangkami Almaseh lla'paran kamu' jio mai sipa' jolomi.

Yudas 1:20

Ee, tomala'bihku' to kupakamoja'! Ia to pangngajaran-Na Puang Allataala la mipake sipamasumanga' ammisamatappa'-tappa'na lako Puang Allataala. Na la massambajang kamu' situru' pangpatujun-Na Roh Allataala.