Filipi 3:16 - Alkitab Duri

¹⁶ Samari kumua ia to pangngajaran mangka diajaranki', ia bang toomo la taturu' tarruh.

Filipi 3:16 Iomraidhean Croise

Roma 12:16

La mesa' penawa kamu'. Danggi' na den ssanga kalena tomajao, apa la siama' kamu' tomajiong. Danggi' misanga kalemi tomacca.

Roma 15:5

Dennaa upa' na Puang Allataala, to mangpasabbara' sola mangpakatana, la ntulung kamu' ammituo mesa' penawa situru' pakkaeloran-Na Puang Isa Almaseh.

Galatia 5:7

Melomo to kamenturusanmi lako Puang Allataala tonna tee. Indamora mangka ssede kamu', na te'damo mituru'i to pangngajaran tongan?

Galatia 6:16

Dennaa upa' nabenni Puang Allataala kamamasean-Na sola kamasannangan-Na sininna to nturu'i tee pangngajaran, iamo to umma'-Na Puang Allataala.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Filipi 2:2

Iamo joo la'bih la mipemasannangngina', iamo to la sipahang melo kamu', la sipakamoja' kamu', la mesa' pattuju kamu',

Filipi 4:2

Kupeta'dai namesa' penawa to Euodia sola Sintikhe susi to sipato' napugauk to tonturu' Puang.

Kolose 2:6

Mitarimamo to Puang Isa Almaseh kumua iamo Puangmi. Iamo joo ia to panggaukanmi la situru' panggaukanna to tompupuangngi to Almaseh.

Kolose 4:2

Danggi' mipajaii massambajang lako Puang Allataala. Na ia ke massambajang kamu' mangkurru sumanga' too kamu'.

Pengkitanna Yahya 3:3

Jaji ingaran pole'i to pangpangngajah mangkamo misa'ding na mikatappa'imo. Turu'i joo mimengkatoba'. Ia ke te'dai mimangngingaran tongan-tongan, la ratuna' susi taboko, na te'da mikalannaii kuta'pa timba'.