Filipi 2:7 - Alkitab Duri

⁷ Apa canning atinna napatorroi to kapuangan-Na, namenjaji susi kaunan. Mentolino, natuo susi tolino.

Filipi 2:7 Iomraidhean Croise

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Matius 12:18

“Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Markus 9:12

Mebalimi Puang Isa nakua, “Tongan, la ratui la mpasadia ngasanni. Apa sitonganna kukuan kamu': ratumi ia to Nabi Elia, apa nasakka' gaukki bangngi tau susi to diuki' jolomo lan Sura' Allataala. Apa matumbai tee Aku', Anak Mentolino? Ciapari nadiuki' lan Sura' Allataala kumua ia to Anak Mentolino la gaja parri' na nacapa'-capa' tau?”

Lukas 22:27

Indara to la'bih matonggo: iaraka to tokumande, ba'tu iaraka to tomangparaka? Tantu ia to tokumande. Apa lanna' tangnga-tangngami susi to tomangparaka.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Roma 1:3

Ia to Kareba Kasalamatan, iamo to karebanna Puangta' Puang Isa Almaseh, Anak Allataala. Ianna situru' katolinoan-Na, bati'nai Raja Daud,

Roma 15:3

Almaseh una nate'da nakamasannangan-Na manda napikkiri', susi to diuki' lan Sura' Allataala mpaui kumua, “Sininna kada pangcapa' lako Puang Allataala, mangkamo kuperasai.”

Roma 15:8

La miingaran ia kumua mangkami Almaseh mentama lino ntulung to-Yahudi, la nanii Puang Allataala mpugauk basse-Na lako tojoloki', anna manassa kumua tongan to kadan-Na Puang.

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

2 Korintus 13:4

Tangnakullei Almaseh tonna dipampang, apa ia tee too tuo pole'mi nasaba' kuasan-Na Puang Allataala. Moi tee kami', to memmesa' penawamo sola Almaseh, tangkikulle toda, apa ia ke iti'mokan la miperasai kumua ia to kami' sola Almaseh mangka naben kuasa Puang Allataala.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Filipi 2:6

Moi sangrupa Puang Allataala to Almaseh, apa te'da napapajanni to kapuangan-Na.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 13:3

Ingaranni to tau lan pangtarungkuan ammipumasussai. Na ia to tau tangngia bang gauk to digaukanni, la miingaran too butung to kamu' dipasusi joo.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.