Filipi 2:4 - Alkitab Duri

⁴ Na danggi' na ia manda to kaparalluan mesammi miangah, apa la miangah too to naparalluinna tau laen.

Filipi 2:4 Iomraidhean Croise

Ester 2:22

Ia joo apa naissen Mordekhai, ta'pa napaui lako Ester, napau todai Ester lako raja.

Matius 18:6

Mpatarruhhi kadan-Na Puang Isa nakua, “Ia to tontumangngi sala mesa'na tee mai pea biccuk nate'damo namatappa' lako Aku', la'bih melo ia, ke ditoke'ii batu pelullu' gose' to kollongna naditallanan do' tasik.

Roma 12:15

La pada parannu kamu' sola to toparannu, pada kamu' kumarrak ke denni to tokumarrak.

Roma 15:1

Ia to kita', to mawatang una kamatapparanta', la sabbara'ki' ntulung padanta' tomatappa' to malamma kamatapparanna, ke denni tangnaala penawanna. Danggi' tapemasannangngi mesa kaleta'.

1 Korintus 10:24

Danggi' naden mesa' tau mpangngundaran mesa kalena. Pada-padaki' la ntangngaran too kaparalluanna padanna rupa tau.

2 Korintus 11:29

Ia ke denni totangmasannang sanga te'dapa namasaranian, moi aku' tangmasannang todana'. Ia ke denni tau disede na mpugauk dosa, moi aku' masussana' mpikkiri'i.

2 Korintus 6:3

Kipengkulle-kulleii na moi mesa' tau te'da la mpasalakan, nasaba' te'da namelo ke dicaccai to jamanki'.

Filipi 2:21

Ia to tau laen pada mparinawa bangri kalena, tangngia pakkaeloran-Na Puang Isa Almaseh.

Yakub 2:8

Tongan to mipugauk, ke mipugaukki to atoran kaminang parallu to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu.”