Filipi 2:16 - Alkitab Duri

¹⁶ ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

Filipi 2:16 Iomraidhean Croise

Matius 10:27

Apa to kupauan kamu' ke bongi, la mipau ke allomi. Na apa to kupangbisikan lako kamu', la mipetamban jio pangbudan tau.

Lukas 12:8

Mangkada unapa Puang Isa nakua, “La miingaran kumua, ia to tonnakuina' jio olona tobuda kumua tomenturu'i lako kale-Ku', la kuakui todai to Aku', Anak Mentolino, jio olona malaeka'-Na Puang Allataala.

Yahya 6:63

Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Jamanna Rasulu' 13:26

Ee todipusile'to, la kamu' to bati'na Nabi Ibrahim, la kamu' to ssompa todamo Puang Allataala! Mangkamo kamu' naparatuan Puang Allataala to Kareba Kasalamatan.

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

1 Korintus 9:26

Ia tee aku' susina' tokinjara' to mpengkulle-kullei ratu lako to dipangngujui. Na susi toona' tomassijangguru', te'da kumangjangguru' sala-sala.

2 Korintus 1:14

sanga ia tee too miissen sala-salarakan. Ia ke susimi joo, la diangga' kamu' nasaba' kami' na moi kami' la diangga'kan nasaba' kamu', ke ratu pole'mi Puang Isa.

Galatia 2:2

Malena' lako kota Yerusalem, nasaba' nasuana' Puang Allataala. Kusitammu pekaamberan jamaa jio, la mpamanassai apa issinna to Kareba Kasalamatan to mangkamo kupangpeissenan lako bangsa tangngia to-Yahudi, dikua nadanggi' nalao sala to kupugaukkuna too allo ba'tu ia to mangkannamo.

Galatia 4:11

Kukagiangan kamu', iamo ia ke te'dai bua'na to resoku' lako kalemi.

Filipi 1:10

Ia ke susimi joo, miissenmi mpilei apa to melona, na te'da caccami ke ratu pole'mi Almaseh,

Filipi 1:6

Kukatappa'i kumua, ia to pangjaman melo to napamula Puang Allataala ssullei sipa'mi, la napemangkaii sanggenna ratu pole' Puang Isa Almaseh.

1 Tesalonika 2:19

Madoangkan ssikitan kamu' nasaba' sitonganna kamu'ra kipuparannu sola kipumario. Ia ke ratumi Puangta' Puang Isa keanu' antamangngolo, masannangkan ngkita assele' jamanki'.

1 Tesalonika 3:5

Iamo kusuai to Timotius male mati' sanga gaja doangmo' nnissenni kumua matappa' tarruh unara kamu'ka lako Almaseh. Batana', iamo ke nataloimo kamu' Ballisi' na sininna to jamanki' menjaji te'da bua'na.

Ibrani 4:12

Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.