Filipi 1:9 - Alkitab Duri

⁹ Massambajangna', dennaa upa' mipede' mpakamoja' Puang Allataala mipakamoja' too padammi rupa tau, na samacca-maccammi nnissen pangngajaran tongan na samandalan-dalanna to tangngahmi.

Filipi 1:9 Iomraidhean Croise

Kada Bulawan 4:18

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

2 Korintus 8:7

Te'da kakuranganmi. Matappa' tonganmo kamu', miissenmo to pangngajaran tongan na maccamo kamu' mangngajahhi lako tau, masumanga'mo kamu', na mipakamoja' tongankan. Iamo joo kupeta'dai lako kalemi anna kamu'mo nomoro' mesa'na ntulung umma'-Na Puang Allataala jio tana Yudea.

Efesus 5:17

Danggi' messipa' susi tobango', apa la miissen to pakkaeloran-Na Puang.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Kolose 3:10

Mangkamo kamu' diben katuoan baru. Menjajimo kamu' tau baru to napaden Puang Allataala. Na da'tan bang kamu' dibarui, ammisannissen-issenna Puang Allataala sola ammisasusi-susinna sipa'-Na.

1 Tesalonika 3:12

Na dennaa upa' mipede' sipakamoja' sola ngasan, mipede' mpakamoja' too sininna tau, susi kami' mpakamoja' kamu'.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

Filemon 1:6

Massambajangna' kumua ammuissen tonganni to sininna barakka' pole jio mai Almaseh, sanga pada matappa'ki'.

Ibrani 5:14

Ia to kande makarrah dipasadian tomasaranianmo. Tomasaranianmo battuananna ia joo tau nnissenmo to disanga melo na gaja', naturu'i to melo.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,