Filipi 1:7 - Alkitab Duri

⁷ Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Filipi 1:7 Iomraidhean Croise

Jamanna Rasulu' 20:23

Ia mandara kuissen kumua umbo-umbo kunii male, napamanassanmo' Roh Allataala kumua la disessana' kuditarungku jao kota Yerusalem.

Jamanna Rasulu' 21:33

Nakandoppi'i pangbarani to Paulus najokkoi, napangpepumpunganni mpake dua rante bassi. Namane' mpekutananni indara joo Paulus na apara napugauk.

1 Korintus 13:7

Tuli matana bang nnoloii to sininna apa, tuli nakatappa'i to apa melo jio mai tolaen. Tuli sabbara' na te'da namadoi' bang ka'tu rannu moi samatumbanna to apa jaji lako kalena.

1 Korintus 9:23

Iamo kupugaukki susi joo, anna sabuda-budanna tau ngkatappa'i to Kareba Kasalamatan, angkuturu' toda dibarakka'i.

2 Korintus 3:2

Na kamu'mo sura' mpangpetandan kaleki' to diuki' lan penawangki', nawa'ding nnissenni sola mbacai sininna tau.

2 Korintus 7:3

Mangkadana' susi joo, te'da to kumua kupasala kamu', nasaba' susi to mangka kupau jolona, kumua gaja kupakamoja' kamu' na sadiakan tapada mate ba'tu tapada tuo sola.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Efesus 6:20

Naangka'na' Puang Allataala menjaji pesuan-Na. Na ditarungkumo' tee too, nasaba' kupangpeissenanni to Kareba Kasalamatan. Passambajanganna' angkubarani mpangpeissenanni, susi to sipato'na la kupau.

Filipi 1:12

Ee, tokupusile'to! Parallu miissen kumua moi ditarungkuna' tee too, sabuda-budanna tau ssa'dingngii to Kareba Kasalamatan.

Filipi 1:13

Sininna surudadu pangngampa bola Tomaraja sola tau laen lan tee kota nnissenmi kumua ditarungkuna', sanga mpangpeissenanna' Almaseh.

Filipi 1:14

Moi kuditarungku, ia to padanta' tomatappa' samatappa'-tappa'na lako Puang, na sabarani-raninnami mpangpeissenanni to Kareba Kasalamatan.

Filipi 1:5

Mangkurru sumanga'na' lako Puang Allataala, nasaba' tatta' kamu' mesa' penawa ntulungna' mpangpeissenanni to Kareba Kasalamatan mammula jio mai misa'dingna ratu lako too allo.

Filipi 2:22

Mikitamo kumua wa'ding dikatappa'i to Timotius. Mangkamo' natulung mpangpeissenan Kareba Kasalamatan susi anak ntulung ambe'na.

Filipi 4:14

Apa melo tuu mipugaukkuna, nasaba' miingaran to kamaparrisanku'.

Filipi 4:15

Ee, tomala'bihku' to-Filipi! Miissen kumua ia tommimane' dipaissenni to Kareba Kasalamatan, mesa-mesammi jamaa to ngkiringanna' pangtulungan tongkulamessunmo lan mai propinsi Makedonia.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Kolose 4:18

Sallangku' Paulus. Aku' nnuki'i tee passallang. Danggi' mikalupaii kumua lan unapa' pangtarungkuan! Dennaa upa' nabarakka'i kamu' Puang Allataala. Padamo jolo' too. Sallangki' mati', Paulus.

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

1 Tesalonika 5:5

Tuo kamu' nturu' pakkaeloran-Na Puang Allataala. Tangngiaki' tomanggauk gaja'.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

Filemon 1:13

Madoangra' la mpatorropi anna sulleko mbaliina' ke lanpa' pangtarungkuan, nasaba' mpangpeissenanna' Kareba Kasalamatan.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

1 Petrus 4:13

Apa sibalikanna la mipumasannangri nasaba' turu' toomo kamu' mapa'dik sola Almaseh. Ia ke susii joo la mario tonganmo kamu' ke dipakitanmi tolino to kamala'biran-Na Almaseh.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

2 Petrus 1:13

Na kusanga kumua, ia ke tuo unapa', paralluna' mpangngingaran kamu', ammimasumanga'.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.