Filipi 1:26 - Alkitab Duri

²⁶ Na ia angkuratu mati', la'bihpa to pangpakala'bihmi lako Puang Isa Almaseh, sanga aku'.

Filipi 1:26 Iomraidhean Croise

Yahya 16:22

Susi toomo kamu'. Masussa penawammi tee too, apa la kusiamparan pole' kamu', ammimemmasannang. Na moi mesa' tau te'da ngkullei nnalai kamu' joo kamasannanganmi.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

2 Korintus 1:14

sanga ia tee too miissen sala-salarakan. Ia ke susimi joo, la diangga' kamu' nasaba' kami' na moi kami' la diangga'kan nasaba' kamu', ke ratu pole'mi Puang Isa.

2 Korintus 5:12

Te'da kimeta'da kumua ammipujikan, apa madoangrakan mben kamu' wattu melo to la minii mpumasannangkan, ke sioloan kamu' tomajekkong iti' to matampo sanga pengkitanna tau, tangngia sanga sipa'na.

2 Korintus 7:14

Mangkamo kamu' kupuji lako Titus, na melomi sanga te'da una mipakasiri'na'. Tongan ngasan to apa kipauan kamu', susi too tongan ngasan to apa mangka kipujian kamu' lako Titus.

2 Korintus 7:4

Liwa'na' ngkatappa'i kamu', mipamariona'. Moi kipembuda mperasai kamasussan, liwa'na' matana nasaba' kamu', na mario tonganna'.

2 Korintus 7:6

Apa Puang Allataala, to tuli mpakatanai to toka'tu rannu, ssuai Titus ratu na iamo mpakatanakan.

Galatia 6:4

Pada la mparessaki' kaleta' kumua, meloraka ba'tu te'daraka namelo to panggaukanta'. Ia ke melomi, mane'ki' wa'ding masannang. Apa te'da tawa'ding mpasibandingngi panggaukanna tolaen,

Filipi 3:1

Ee, tomala'bihku'! Mangkatampakanna, la masannang kamu' sanga mesa' penawamo kamu' sola Puang Allataala. Ia ke kudadu'i nnukiran kamu' to apa mangka kupauan kamu' mati', te'dara namatumba, na la mipumelona ia.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Filipi 4:10

Liwa' masannangku' nang kumangkurru sumanga' lako Puang, nasaba' ia tee too mikiringan omo' pangtulungan. Sitonganna ia to wattu puramo miingaran una ia, apa tangpadete' kamu'.

Filipi 4:4

Da'tan kamu' masannang sanga mesa' penawa kamu' sola Puang Allataala! Kudadu'pi mpaui: Masannang kamu'!