Filipi 1:12 - Alkitab Duri

¹² Ee, tokupusile'to! Parallu miissen kumua moi ditarungkuna' tee too, sabuda-budanna tau ssa'dingngii to Kareba Kasalamatan.

Filipi 1:12 Iomraidhean Croise

Ester 9:1

Katampakanna, nadete'mi to tanggala' sangpulo tallu bulan sangpulo dua disanga bulan Adar, iamo to allo dipattantu la dinii mpugaukki to parentana raja lako bangsa Yahudi. Iamo joo allo natajanmo ewana bangsa Yahudi, la nanii ngkuasaii joo bangsa. Apa sibalikanna to-Yahudira ntaloii to ewana.

Lukas 21:13

Iamo joo wattu melo, la minii mpangpeissenanni to Kareba Kasalamatan.

Jamanna Rasulu' 8:4

Ia to tomatappa' sisarak-sarak male llelei sininna kampong mpangpeissenan Kareba Kasalamatan jio mai Puang Allataala.

Roma 8:28

Taissen kumua Puang Allataala Ia nnatoro'i to sininna apa, anna benni kameloan lako to tompakamoja'i, to napileimo situru' eloh-Na.

Roma 8:37

Apa sapatalo-talota', sanga naampaiki' to tompakamoja'ki'.

Filipi 1:5

Mangkurru sumanga'na' lako Puang Allataala, nasaba' tatta' kamu' mesa' penawa ntulungna' mpangpeissenanni to Kareba Kasalamatan mammula jio mai misa'dingna ratu lako too allo.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Filipi 2:22

Mikitamo kumua wa'ding dikatappa'i to Timotius. Mangkamo' natulung mpangpeissenan Kareba Kasalamatan susi anak ntulung ambe'na.

Filipi 4:15

Ee, tomala'bihku' to-Filipi! Miissen kumua ia tommimane' dipaissenni to Kareba Kasalamatan, mesa-mesammi jamaa to ngkiringanna' pangtulungan tongkulamessunmo lan mai propinsi Makedonia.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

1 Timotius 2:8

Ia ke sirempunki' la umbo-umbo tanii, kukadoangngi na ia to muane to massambajang, la nturu' pakkaeloran-Na Puang Allataala, na danggi' naden kamabirisan ba'tu kasisakkan.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.